Qytaı 2025 jyldan bastap gýmanoıdty robottardy jappaı óndiredi.
Qazirdiń ózinde Shanhaıdaǵy óndiris ortalyǵy 1000 dana robot qurastyryp, jyl sońyna deıin tapsyrýǵa daıyndalyp jatyr. «Buǵan deıin robottar jappaı óndirilgen emes. Jańa qultemirlerdiń boıy 1,7 metr bolady. Olar úı sharýasyna, qoǵamdyq jumysqa, kóńil kóterýge, bilim salasy men qyzmet kórsetýge, jalpy kommersııalyq maqsatta paıdalanylady. Munyń bári jasandy ıntellekt arqyly basqarylady. Suranys bar. Endi óndiris tizbegin júıelep, qoldaný aıasyn keńeıtýge kúsh salamyz», deıdi Szıaotýn ýnıversıteti Robottehnıka ınstıtýtynyń ǵylymı jetekshisi Iаn Veısın.
Jańa rekord
Germanııada turatyn Tomas pen Sıýzan jańa jyldy asyǵa kútedi. Olar úıin bir aı buryn bezendire bastaıdy. Qyzyq bolǵanda, bıyl qyzdy-qyzdymen 605 shyrsha ornatyp tastapty. Bul tipti álemdik rekord retinde resmı tirkeldi.
Ieromınderdiń úıi Germanııanyń soltústigindegi Rınteln qalasynda ornalasqan. Aýmaǵy – 180 sharshy metr. Olar tipti jýynatyn bólme men dárethanaǵa deıin shyrsha qoıǵan. Erli-zaıypty bul ispen 8 jyldan beri turaqty aınalysyp keledi. Byltyr 555 shyrsha ornatqan.
Eshten kesh jaqsy
Vetnamda 12 jyl degende eń alǵashqy metro iske qosyldy. Ol eldiń ońtústigindegi Hoshımın qalasynyń ortalyǵy men shetindegi aýdandar arasynda qatynaıdy.
Joba Japonııa Úkimetiniń qarjylaı qoldaýymen sonaý 2007 jyly maquldanǵan. Qurylys jumysy 2012 jyly bastalyp, jospardan talaı ret keshikken. Bılik endi kólik keptelisi men aýanyń lastaný máselesi biraz jeńildeıdi dep úmittenip otyr. Alǵashqy bir aı boıy metromen qatynaý tegin bolady. «Meniń taǵy bir nemerem bar. Kishkentaı kezinde oǵan «qurylysy bitsin, sosyn ekeýimiz metromen júremiz» dep edim. Onyń uzaqqa sozylatynyn kim bilgen? Sol nemerem qazir ýnıversıtette oqıdy. Biraq eshten kesh jaqsy», deıdi qala turǵyny Hıýın Bhıbe.