Qazaqstannyń órt sóndirýshileri kesheden beri toqsanǵa jýyq órtti óshirdi, dep habarlaıdy Egemen.kz Tótenshe jaǵdaılar mınıstrligine silteme jasap.
Jańa jyl qarsańynda qutqarýshylar kúsheıtilgen rejimde jumys istedi. Máselen, 31 jeltoqsanda respýblıka boıynsha 88 ret órt pen tutaný oqıǵasy tirkeldi. Budan bólek, izdestirý, avarııalyq-qutqarý jáne basqa da jumystarǵa qatysty.
«Bul rette 25 adam, onyń ishinde 8 bala qutqaryldy jáne evakýasııalandy», deıdi qutqarýshylar.
Al Jańa jylǵa qaraǵan túni Kaspıı jaǵalaýynda jasandy palma otqa orandy. О́rt sóndirýshiler ony óshirip úlgerdi. Al jaǵalaýda jınalǵan halyq qutqarýshylarǵa qoshemet kórsetti.
Tótenshe jaǵdaılar mınıtrligi azamattardy qaýipsizdik sharalaryn, daýyl týraly eskertýlerdi, aýa-raıynyń ózgerýin, joldardyń jabylýy týraly habarlamalardy baqylap, alys saparlarǵa shyqpaýǵa shaqyrady. Al aýyldyq jerlerde turatyn turǵyndarǵa aýa raıy nasharlaǵan jaǵdaıda alys qashyqtyqqa shyqpaǵan abzal.