Túrkistan oblysynda polısııa borandy kúni taýly aýmaqta jolda qalǵan 60 kólikke kómek kórsetti, dep habarlaıdy Egemen.kz.
Polizia.kz-tiń aqparatyna qaraǵanda Sozaq aýdany aýmaǵyndaǵy Ekpindi-Birlik tas jolynda jol jıegine shyǵyp ketken DAF markaly aýyr júk kólikterin polısııa qyzmetkerleri qaýipsiz orynǵa shyǵarýǵa kómektesti.
Oblys polısııasy jalpy 23 jeńil kólik pen 37 júk kóligine kómektesken.
Uzaq joldan kele jatqan aýyr júk kólikteri júrgizýshileriniń keıbirine ystyq sháı-taǵam jetkizgen saqshylarǵa azamattar alǵystaryn bildirdi.