Saıası kemeldik kórinisi

2024 jyl elimiz úshin ońaı bolǵan joq. Tabıǵı apattar men syrtqy faktorlardyń salqyny tıdi, sondaı-aq álemde buryn-sońdy bolmaǵan kúrdeli geosaıası ahýal qalyptasty. Degenmen elimiz beıbitshilik úshin tıimdi dıalog ornata alatyn memleket retinde óziniń halyqaralyq pozısııasyn nyǵaıtty. Bul eldiń qaýipsizdigin qamtamasyz etip qana qoımaı, ekonomıkanyń tu­raqty damýyna septigin tıgiz­di. Áleýmettik memleket retin­degi mindetterin júıeli júzege asyrýdy tabandy turǵyda jalǵas­tyrdy. Aıtalyq, byltyrdan bastap «Ulttyq qor – balalarǵa» baǵdarlamasy aıasynda tólem beri­le bastady. Zeınetaqy, jár­de­maqy, shákirtaqy, azamattyq sala qyzmetkerleriniń jalaqy mólsheri ósti. Júzdegen jańa mektep, balabaqsha jáne dene shy­nyqtyrý-saýyqtyrý ortalyq­tary salyndy. Sheteldiń onnan asa bedeldi joǵary oqý ornynyń bólimshesi ashyldy. Ǵylymdy qarjylandyrý kólemi arta tústi, mádenıet sala­synyń qyzmetkerlerine eleý­li qol­daý kórsetilip jatyr. Buqara­lyq sportty damytýǵa da basa mán berildi. Munyń bárin aza­mat­tardyń jasampazdyq áleýetin arttyrý úshin paıdaly ınvestısııa deýge bolady.

«Keleshek» atty biryńǵaı erikti jınaqtaýshy júıeniń zań­namalyq negizin qalyptastyrý maqsatynda kóp jumys atqaryl­dy. Onda jınaqtalǵan qarjyny elimizdiń, sheteldiń kolledjderi men joǵary oqý oryndarynda bilim alý, sondaı-aq turǵyn úı alýǵa jumsaýǵa bolady.

Ekologııa salasynda da mańyz­dy ózgerister júzege asy­ry­lyp jatyr. Sý resýrsta­ryn bas­qarý, tabıǵatty qor­ǵaý, sý maman­da­rynyń tapshy­lyǵyn sheshý ba­ǵytynda Qa­zaq ulttyq sý sha­rýa­shy­lyǵy jáne ırrıgasııa ýnı­versı­teti qurylyp, sý sharýa­shy­ly­ǵyn damytýǵa arnalǵan baǵ­dar­lamalar qolǵa alyndy. Bul qadam eldiń ekologııalyq turaq­tylyǵyn qamtamasyz etýge, ırrıgasııalyq kanaldardy jańǵyrtýǵa baǵyttalǵan.

2025 jyl «Jumysshy maman­dyqtar jyly» dep jarııalandy. Bul – jumysshy mamandyqtaryn dáriptep, nasıhattap, jastardy osy salaǵa tartýdy kózdeıtin mańyzdy bastama.

Prezıdent aýyldyq aımaq­tardy damytýǵa arnalǵan ulttyq jobalardyń jalǵasaty­nyn aıtty. Jobalar aýyl turǵynda­rynyń ómir súrý sapasyn artty­rýǵa, medısınalyq ınfra­qu­rylymdy nyǵaıtýǵa, jańa ju­mys oryndaryn ashýǵa, ha­lyq­tyń áleýmettik jaǵdaıyn jaq­sartýǵa baǵyttalǵan. Elge oral­ǵan jas mamandarǵa jaǵdaı jasaý, olardy joǵary tabysty salalarǵa tartý Úkimettiń basym mindetteriniń birine aınalady.

Memleket basshysy halyqtyń úni – reformalardyń negizi ekenin ári halyqtyń ómir sapasyn jaqsartýǵa arnalatynyn basa aıtty. Sol turǵyda Prezı­dent bastamalaryn qoldap, stra­te­gııalyq mindetterdi júzege asyrýǵa at salysý saıası kemeldi­liktiń kórinisi bolmaq. Barsha­myzǵa qoǵam ómirin, adam qyzme­tin durys jolǵa qoıyp, jappaı ósip-órkendeý jolynda jumyla eńbektene berý qajet.

Juldyz SÚLEIMENOVA,

Májilis depýtaty