El arasynda «Jaıdarman» chempıony, otandyq kınolardyń avtory ári ssenarısti jáne jas akter retinde tanylǵan Abylaıhan Qasymov ómiriniń qıyn da qyzyq sátterimen bólisti.
Abylaıhan Kasymov Toqtasynuly 1991 jyly 24 shildede Almaty qalasynda dúnıege kelgen. Ákesi – jıhaz sheberi, anasy – aspaz. Bala kezinen ónerge jaqyn bolyp, balabaqshada bı men ánge qyzyǵýshylyq tanytty. Erte jastan oqýdy, sanaýdy úırenip, belsendi ári kóńildi bala retinde erekshelendi.
“1998 jyly № 59 orta mektepke qabyldanyp, birinshi synyptan dombyra úırene bastadym. Oqý ozaty jáne muǵalimderdiń súıikti oqýshysy boldym. Bastaýysh synyptarda án aıtý jarystaryna qatysyp, ónerliligimen tanyldym. Joǵary synyptarda teatrlyq qoıylymdarǵa qyzyǵýshylyq tanytyp, mektep sharalarynda kúlkili sahnalyq kórinister qoıýdy unatatynmyn. Jasóspirim shaǵymda mýzyka jasaý men án jazýǵa bet buryp, 15–20 avtorlyq án shyǵardym. 2009 jyly komandalyq rep-battlda jeńiske jetip, shyǵarmashylyqqa degen yntasyn nyǵaıtty”, — deıdi ol.
Ýnıversıtetke túskennen keıin KVN oıyndaryna qatysqan Abylaı, birinshi jyly-aq fakýltetaralyq oıyndardyń chempıony atanyp, keıinnen ýnıversıtettiń qurama komandasyna qabyldanyp, 2010 jyly respýblıkalyq «Almataı» lıgasynda jeńiske jetti.
Kvn jolynda kelesi jetistikterge qol jetkizdi:
Respýblıkalyq “Almataı” lıgasy 2010. ChempıonHalyqaralyq “Azııa Mıks” lıgasy. Bıshkek. 2011. 3-orynJaıdarman. Premer Lıga 2011. 3 orynJaıdarman. Joǵary lıga 2012. 2 orynJaıdarman. Joǵary Lıga 2013. 2 orynJaıdarman. Joǵary Lıga 2014. ChempıonRespýblıkalyq Ashyq Lıga 2013. ChempıonMejdýnarodnyı kýbok Akıma Jambylskoı oblastı 2013. Jeńimpaz.Almaty ashyq lıgasy 2012 ChempıonAıagóz Ákim kýbogy 2015 jyl. Jeńimpaz.Shymkent ákim kýbogy 2014 jyl. 2 orynKýbok Habara 2012 “Úzdik úı tapsyrmasy”Tot samyı kvn 2017 “Krasavchıkı KVN” kýbogynyń ıegerleri
“KVN oıyndarymen qatar, «Bas Prodakshn» prodıýserlik ortalyǵynda jumys istep, sketchter jazýdan bastap, keıin serıaldar ssenarııin jazýǵa kóshtim. Kóptegen tabysty jobalardyń avtory atanyp, qazaq televızııasy men ıýmoryna eleýli úles qostym dep aıta alamyn”, — deıdi Abylaıhan.
Avtor, ssenarıst retinde istegen jobalary:
“Výzery — 3”, “Aýyldastar”, “Aýyldastar — 2”, “Aýyldastar — 3” “Aýyldastar — 4”, “Kenje”, “Kórimdik”, “Abysyndar”, “Pálensheevter-2”, “Pálensheevter-3”, “Báseke”, “Báseke-2”, “Tentek”, “Qyzyq Times”, “Qyzyq Premııa”, “Toı Bazar”, “Toı Zakaz”, “U-night show”, “DiNaZaur”, “Býmajnyı Domık”, “1001 keńes”, “Zil-ázil”, “Patrýl”, “Apple sıtı”
Ssenarıstik qyzmetinen bólek, Abylaıhan akterlik sheberligin de shyńdap, «Aıjan», «Baqytsyzdar baǵy», «Almasıtı», «Zil-Ázil» sııaqty tanymal serıaldarda rólder somdady. «Báseke» serıalynda epızodtyq rólderde kórindi. Ásirese, «Býmajnyı dom» serıalynyń parodııasy bolyp tabylatyn «Býmajnyı Domık» fılminde avtor jáne basty róldi oryndaýshy retinde erekshe kózge tústi.
“Dombyra men gıtarada sheber oınaıtynmyn. Sońǵy jyldary YouTube arnasy, Instagram jáne TikTok jelilerinde belsendilik tanytyp, qomaqty jazylýshylar sanyn jınap, óz aýdıtorııam paıda bolyp, qoldaýshylarym tabyldy. Rejıssýra kýrstaryn támamdap, kásibı biliktiligimdi arttyrdym”, — deıdi Abylaıhan Qasymov.
Bolashaqta AQSh-ta tájirıbe jınaqtap, qazaq kınoónerin álemdik deńgeıge kóterýdi maqsat etedi. Onyń maqsatkerligi men kópqyrly talanty qazirgi qazaq medıa keńistigindegi mańyzdy tulǵalardyń biri retinde tanylýyna septigin tıgizýde.