Jol jaýapsyzdyqty kótermeıdi

Aqmola oblysyndaǵy Jańa­­ta­lap aýyly ma­ńynda bolǵan jappaı jol-kólik apatyna eń birinshi sebepker nárse – adamdardyń TJM «Qutqarý qyzmeti» taratyp jatqan habarlamaǵa qulaq aspaýy. Oqıǵa bolatyn kúni, ıaǵnı jumanyń tańynda saǵat 8.45-te bárimizdiń telefonymyzǵa «Astana-Shýchınsk tasjoly ja­byq» degen eskertý kelgen edi. Alaıda bul habarlama men aýa raıynyń qolaısyz bolyp tur­ǵanyna qaramastan, qanshama adam sol kúni jolǵa shyqqan.

«QazAvtoJol» bergen máli­met­ke qaraǵanda, 3 qańtarda tańer­teń «Astana-Petropavl» res­pýb­lıkalyq mańyzy bar avto­jolynyń 18-232 shaqyrym ara­ly­ǵyndaǵy ýchaskesinde kólik­tiń barlyq túriniń qozǵalysyna shek­teý qoıylǵan. Keıin aýa raıy­nyń jaqsarýyna oraı saǵat 12.30-da polısııa kóligi men «QazAvtoJol» kompanııa­sy arnaıy tehnıkasynyń súıe­me­l­deýimen Astana qalasyna qaraı qozǵalys bastalǵan. Alaı­da júrgizýshiler tarapynan jyl­damdyq rejimi men ara-qashyq­tyqty saqtamaý saldarynan saǵat 13.28-de avtojoldyń 153-sha­qy­rymynda, ıaǵnı Jańatalap aýyly mańynda ekpinmen kele jatqan kólikter bir-birimen soqtyǵysqan.

Aqmola oblystyq Polısııa departamentiniń baspasóz hatshysy­ Gúlnar Pınchýktiń habarlaýynsha, qazirgi tańda oqıǵaǵa baılanys­ty Qylmystyq kodekstiń 345-baby 1-bóliginde kózdelgen «jol qozǵalysyna qatysýshylardyń abaısyzda orta dárejeli densaý­lyqqa zııan keltirgen JQE buzýy» boıynsha, sondaı-aq Qylmystyq kodekstiń 353-baby 1-bóliginde kózdelgen «kólikte qoldanystaǵy erejelerdi buzý» boıynsha sotqa deıingi is júrgizý bastalǵan. Ter­gep-tekserý aıasynda jol-kólik oqıǵasynyń barlyq mán-jaıy anyqtalady.

Oqıǵadan bir kún ótkende Astana qalasyna qaraı qozǵalyp kele jatqan sol toptyń ishinde bol­­ǵan júrgizýshilerdiń biri qoz­ǵa­lys qatysýshylary arasynda jyldamdyq rejimi men ara-qashyq­tyqty saqtamaı, basqalarǵa qaýip tón­dirgen kóliktiń vıdeosyn jarııa­lady. Keıin polıseıler Astana qalasynyń turǵyny, BMW markaly avtokóliginiń 19 jastaǵy júrgizýshisin anyqtady.

Patrýldik polısııa qyzmet­kerleri kólik júrgizýshisin bir­den Ákimshilik kodekstiń eki baby boıynsha ákimshilik jaýap­kershilikke tartty. Atap aıt­­qanda, kináli tulǵa ÁQBtK 595-baby­nyń 1-bóligi «manevr jasaý ere­je­lerin buzý» jáne atalǵan kodeks­tiń 606-babynyń 1-bóligi «jol qoz­ǵalysyna qatysýshynyń apat­­tyq jaǵdaı týǵyzǵan jol qoz­ǵa­lysy erejelerin buzýy» boıyn­sha jaýapkershilik arqa­lady. Sonymen qatar quqyq buzý­shy­men profılaktıkalyq áńgime júrgizildi. Jappaı apat­tyń oryn alýyna da dál osy júr­gizýshiniń áreketi sebepshi bolýy ábden múmkin. Onyń aq-qarasyn polısııa anyqtaı jatar.

Aıta ketsek, jappaı jol-kólik apaty saldarynan 10-nan asa adam jaraqat alyp, 95 kólik búlindi. Qazirgi tańda KASKO baǵdarlamasy bo­ıynsha tólem alý úshin «Evrazııa» saq­tandyrý kompanııasyna bir­neshe júrgizýshi júgingen. Atal­ǵan baǵdarlama boıynsha zardap shekken kólik ıesi JKO-ǵa ózi kináli bolsa da, tipti kináli adam anyqtalmaǵan jaǵdaıda da tólem ala alady. Al kináli anyq­talǵan jaǵdaıda, kompanııa sot tártibimen aıyppul somasyn sol adamnan talap etýge qu­qyly. Kompanııa bergen máli­metke qaraǵanda, kináli anyq­tal­masa, KASKO polısi joq adam­dar zaqymdalǵan kólik­te­rin óz qarajaty esebinen jón­­­deýge májbúr bolady.

IIM málimetine súıensek, osy qys ýaqytynda aýa raıynyń qo­laı­­­syzdyǵyna baılanysty elimiz­­diń joldarynda 1 284 shekteý, so­nyń ishinde jańa jyl bas­tal­­­ǵaly 56 shekteý engizilgen. De­­­gen­­­­­men polısııa men basqa da tó­ten­­she qyzmetterdiń eskertýine qa­­ra­mastan, júrgizýshiler jabyq ýchas­kelerge shyǵyp, joldardyń ashy­lýyn kútip turǵan beketter­de keptelis týdyryp jatady. Jol ashylǵannan keıin bári bir ýaqyt­ta qozǵalyp, nómirdiń eń aldyna shy­­ǵyp ketý úshin qatty jyl­dam­dyq­­pen júrýge tyrysady. Munyń so­ńy túrli apatqa ákep soǵýy múm­­kin.

Ishki ister mınıstrligi kólik júrgizýshilerinen jol ereje­lerin saqtap, rólde otyrǵanda muqııat bolý qaýipsizdiktiń kepili ekenin eskertip keledi. 3 qańtar kúni halyqqa úndeý joldaǵan IIM Ákimshilik polısııa komıtetiniń tóraǵasy Qaısar Sultanbaev aýa raıy qolaısyz bolyp, aınalany kórý múmkindigi azaıǵanda, jol kóktaıǵaq bolǵanda, jyldam­dyq­ty sha­ma­dan tys asyrmaý kerek ekenin, dittegen jerge múldem bar­maı qalǵannan keshigip barǵan jaqsy ekenin eske saldy.

«Kóktaıǵaq, boran, qar nemese tuman kezinde jolǵa shyqsańyz, sa­paryńyz synaqqa aınalýy múm­kin. Sondyqtan ondaı jaǵdaıda uzaq saparlardan bas tartýdy usynamyz. О́zińizdiń jáne ózge­ler­diń ómirin qaterge tikpes buryn kún raıynyń qalypqa kel­genin kútińiz. Al eger ondaı jaǵ­daıda jolda qalyp qoısańyz: jyl­dam­dyqty azaı­tyńyz, qaýipsiz ara­qa­shyq­tyqty saq­tańyz, jyldam júris pen basyp ozýdan aýlaq bo­lyńyz, múm­kin­diginshe jaqyn eldi mekenge nemese qaýipsiz jerge toqtańyz. Jol qyzmetteri, son­daı-aq polısııa jáne qutqarý bólim­­sheleri jolda táýlik boıy jumys isteıdi. Olar­­dyń min­deti – sizge kómektesý. Tóten­­she jaǵ­daı týyndaǵan jaǵ­daı­da dereý kómekke júginińiz. Biz aýa raıy jaǵdaıyna baılanys­ty shek­teýler men qaǵıdalardy buzǵan­darǵa erekshe nazar aýdaramyz. Mundaı áreketter tártip buzý­­shy­lardyń ózderine ǵana emes, aınalasyndaǵylarǵa da qa­ýip tón­diredi. Kináliler zań bo­ıyn­sha jaýapqa tartylady. Siz­diń jol­da­ǵy qyraǵylyǵyńyz ben jaýap­ker­shi­ligińiz – úıińizge aman-esen oralýyńyzdyń kepili», dedi ol.