Kalıfornııa bıliginiń habarlaýynsha, orman órtinen qaza tapqandar sany bes adamǵa jetti, dep habarlaıdy Egemen.kz BBC aqparattyq agenttigine silteme jasap.
«Búgin biz eki adamnyń ólgeni týraly habarlaǵan edik. О́kinishke qaraı, olardyń sany bes adamǵa jetti», dedi Los-Andjeles okrýginiń sherıfi Robert Lýna.
Onyń aıtýynsha, jalyn áli aýyzdyqtalǵan joq, zardap shekkender sany artýy múmkin. Jaǵdaıdy qatty jel men qurǵaq aýa raıy qıyndatyp otyr. Bılik Los-Andjeles aımaǵynda bes jerde orman órti jalǵasyp jatqanyn, al evakýasııa aımaqtarynda 150 myń adam turatynyn habarlady.
Santa-Monıka men Malıbý arasyndaǵy Pasıfık-Palıseıds aımaǵynda eń úlken órt aýmaǵy 60 sharshy shaqyrymnan asady.
Al Los-Andjeles okrýgi órt sóndirý bóliminiń bastyǵy Entonı Marroneniń aıtýynsha, órt kem degende 1000 qurylymdy qıratty.
Sársenbi kúni TMZ aktrısa jáne ánshi Perıs Hıltonǵa tıesili Malıbý jaǵajaıyndaǵy úılerdiń biri tolyǵymen órtenip ketkenin habarlaǵan bolatyn. Keıinirek muny Hıltonnyń ózi rastady.
Beısenbige qaraǵan kúni túnde ótken baspasóz máslıhatynda bılik Los-Andjelestiń eń tanymal aýdandarynyń biri, Gollıvýdtyń áıgili belgisi ornalasqan Gollıvýd tóbeshigi aımaǵynda taǵy bir órt shyqqanyn habarlady.