Keleli kezdesýler jalǵasty

Senator Rýslan Rústemov Qyzylorda oblysyna barǵan saparynda Aqjarma aýylyn gazǵa qosý rásimine arnaıy qatysty. Qazirgi kezde óńirdi gazdandyrý jumystary qarqyndy túr­de jalǵasyp jatyr. Byltyr osy maqsatqa 30 mlrd teńgeden asa qarjy bólinip, jańa­dan 330 shaqyrym gaz qubyry sa­lynǵan edi. О́tken jyldyń qo­rytyndysy boıynsha, oblys­ty gazdandyrý deńgeıi 78%-dy qurady. Al bıyl taǵy 10-nan asa eldi mekendi gazben qamtý josparlanyp otyr.

Senator Prezıdent Qasym-Jomart Toqaevtyń «Ana tili» gazetine bergen suh­batynda aıtylǵan aýyl­dyq ınfraqurylymdy damytý saıasatynyń nátıjesi, Qyzylorda oblysyn gazdan­dyrýdyń qarqyndy júzege asýy ekenin atap ótti.

«Prezıdent aıqyndaǵan negizgi basymdyqtyń biri – halyqtyń, ásirese, óńirdegi turǵyndardyń ómir súrý jaǵ­daıyn jaqsartý jáne ınf­ra­qurylymdy damytý. Aqjarma aýyly men oblystyń basqa da eldi mekenderin gazdan­dyrý osy mindetterdiń sátti júzege asýynyń aıqyn dáleli», dedi senator.

Depýtat óńir turǵyndaryn sapaly aýyzsýmen qamtama­syz etýdegi qol jetken jetistik­termen de tanysty. 2022 jyldan beri 16,8 mlrd teńge kóleminde 55 joba júzege asyp, ortalyq sý júıesimen qamtý deńgeıi 98,6%-ǵa jetken. Bıyl bul kórsetkishti 100%-ǵa jetkizý josparlanyp otyr. Sonymen qatar elektr jelilerin jańǵyrtý jumystary qarqyndy iske asyp keledi. Jalpy quny 11 mlrd teńgeni quraıtyn 38 joba júzege asyp, jelilerdiń tozý deńgeıin 62%-ǵa deıin tómen­detýge qol jetkizilgen.

Senator Bekbolat Oryn­bekov Jambyl oblysynyń Qordaı aýdanynda bolyp, jergilikti halyqtyń ómir súrý sapasyn jaqsartý jónindegi ınfraqurylym men áleýmettik jobalardy iske asyrý barysymen tanysty. Halyqpen kezdesý barysynda ol Prezıdenttiń «Ana tili» gazetinde jarııalan­ǵan suhbatynda aıtqan ózek­ti máselelerdi talqylaýǵa erekshe nazar aýdardy. Prezı­dent suhbatynda áleýmet­tik-ekonomıkalyq damýdyń ne­giz­gi baǵyttary men azamattar­dyń ómir súrý jaǵdaıyn jaqsartý jónindegi mańyzdy basymdyqtar belgilengeni atap ótildi. Ol bılik organdarynyń barlyq deńgeıdegi qyzmetine negiz bolatyny aıtyldy.

B.Orynbekov Gvardeı­skıı kentine sapar aıasynda Prezıdent jarııa etken basymdyqtarǵa oraı óńirdiń ınfraqurylymyn jaqsartý aıasynda gaz qubyryn, qazan­dyq pen jylýmen jabdyq­taý júıesin, sý qubyry men temirjol arqyly ótetin jol ótkelin salý jobalarymen tanysty. Senator «Qordaı» ótkizý beketinde de bolyp, shekaradan ótýdi avtomattandyrý sharalaryna kýá boldy. Sondaı-aq Qarasý aýylynda bolǵan kezde «Jaıly mektep» ulttyq jobasy aıasynda salynyp jatqan 300 oryn­dyq jańa mektepti kórip, óskeleń urpaqty oqytý men tárbıeleý isin jaqsartýda zamanaýı bilim berý mekemesi zor yqpal etetinin atap ótti.

«Memleket basshysy «Ana tili» gazetine bergen suhbatynda áleýmettik ınfraqurylymdy damytýdyń mańyzyna erekshe toqtaldy. Elimizde 460 myń oqý­shyǵa arnalǵan 217 jaıly mektep salý josparlanǵany belgili. Osyndaı jaıly mekteptiń biri Qarasý aýylynda salynyp jatyr. Jobanyń negizgi maqsaty – apat jaǵdaıyndaǵy mektepter men úsh aýysymdy oqytý máselesin sheshý, eldegi mektep tapshylyǵyn joıý. Sondaı-aq qurylys salasynda sapa má­selesine erekshe nazar aýda­rý mańyzdy. Turǵyndardyń pi­kirin eskere otyryp, joba­lar­dy iske asyrý arqyly ha­lyqtyń ómir súrý deńgeıin edá­ýir arttyra alamyz», dedi ol.

Senat depýtaty Bıbigúl Aqqojına Qostanaı qalasyn­daǵy saparynda arnaýly kıim men aıaqkıim jáne orto­pedııalyq jastyq óndirýge mamandanǵan «Azýrıt» otan­­dyq kompanııasynyń ujy­mymen kezdesip, óndiris barysymen jáne kompanııa­nyń jetistikterimen tanysty. Sondaı-aq jeńil ónerkásip salasyndaǵy shaǵyn jáne orta bıznesti qoldaý, sondaı-aq ónim sapasyn qamtamasyz etý má­selelerin talqylady.

«Prezıdent atap ótkendeı, ınfraqurylymdy jańǵyrtý men 18 mıllıon sharshy metr turǵyn úıdi iske qosý degenińiz – jaı ǵana san emes, halyq naqty sezinetin oń ózgerister. Bul jumysty óńirlerde jalǵas­tyrýymyz kerek, turǵyn úı ­saıasaty men jergilikti bız­­nesti qoldaý sııaqty barlyq má­se­lelerge erekshe kóńil bólýi­miz qajet», dedi senator.