Májilistegi «AMANAT» partııasy fraksııasynyń depýtattary Rýslan Qojasbaev pen Bolat Kerimbek Jetisý oblysyna jumys sapary barysynda Kóksý aýdanyndaǵy «Stroıtel» kirpish-keramzıt zaýytynyń eńbek ujymymen kezdesti. Sapardyń negizgi maqsaty – óndiris prosesimen tanysyp, jumysshylardyń jaǵdaıyn bilý, dep habarlaıdy Egemen.kz.
Kezdesý barysynda seriktestiktiń bas dırektory Aleksandr Býzykın zaýyttyń avtonomdy rejımde jumys istep, jylyna 44 mln dana kirpish shyǵaratynyn aıtty. Sonymen qatar keramzıtti kirpishter baǵasynyń naryqtaǵy baǵamen sáıkestigin jáne básekege qabilettiligin atap ótti. Endigi kezekte óndiristi suranysqa qaraı ulǵaıtý josparlanyp otyr.
Memleket basshysynyń Joldaýynda aıtylǵandaı, qazir óńirde ónerkásip áleýetin tolyq paıdalaný úshin jan-jaqty sharalar qabyldanýda. Depýtattar otandyq kásiporyndardy qoldaý, óndiristi damytý boıynsha atqarylyp jatqan irgeli ister men qabyldanyp jatqan zańdar týraly aıtyp berdi.
«Zaýyt – qurylys materıaldaryn óndirýge arnalǵan tehnologııalyq jabdyqtardyń jetekshi óndirýshisi. Germanııanyń ınnovasııalyq tehnologııasy men jabdyqtary negizinde salynǵan. Mundaǵy tehnologııalar myńnan astam ónim ataýyn shyǵarýǵa jáne óndiristi naryq qajettilikterine beıimdeýge múmkindik beredi. Kásiporyn óz ónimderimen Jetisý óńirin ǵana emes, Qazaqstan naryǵyn da qamtamasyz etip otyr», dedi Bolat Kerimbek.
Kirpish zaýyty óńirdegi qurylys salasyn qoldap, sapaly ónimmen ǵana emes, jergilikti turǵyndardy turaqty jumyspen qamtýda. Munda 100-den astam adam qyzmet etedi. Májilis depýtattary jumysshylardyń eńbek jaǵdaılaryna nazar aýdardy.
«Sizder memleketimizdiń damýy jolynda úlken jumys atqaryp kelesizder. Osy jerde aıtylǵan máselelerdiń barlyǵyn biz tıisti mekemelerge jetkizetin bolamyz», dedi Rýslan Qojasbaev.
Oblys qurylǵan kúnnen bastap 43 jańa óndiris iske qosylyp, jumys istep turǵan 9 kásiporyn keńeıtilgen. Nátıjesinde myńnan astam adam jańa jumys ornymen qamtyldy. Qazir oblysta sement, akkýmýlıator batareıalaryn, keramıka plıtkalaryn shyǵarý jolǵa qoıylyp, qurama jem, kún panelderiniń óndirisi damýda. Jalpy óńirde 549 óndiris orny tirkelip, olarda 30 myńnan astam adam jumys isteıdi. О́nerkásiptegi óńdeý sektorynyń úlesi 76,4 paıyzdy quraıdy.
Sonymen qatar Májilistegi «Aq jol» fraksııasynyń depýtaty Qazybek Isa Túrkistan oblysynyń zııaly qaýym ókilderimen kezdesti. Áńgimelesý barysynda Qazybek Isa rýhanııatty qoldaýǵa baǵyttalǵan birqatar bastamalarǵa toqtaldy. Sonyń ishinde jýyrda ǵana Májiliste qabyldanǵan Túrkistan qalasyna erekshe mártebe berý týraly zańy zııaly qaýym ókilderi tarapynan erekshe qoldaý tapty.
«Túrkistanǵa erekshe mártebe berý týraly zań qabyldandy. Ony daıyndaýǵa oblysymyzdaǵy birqatar zııalylar atsalysty. Qanshama talqylaý men usynystar aıtyldy. Parlamentte qoldaý tapqanyna qýanyshtymyz. Túrkistan tarıhynyń jańasha túleýge jol ashylǵanyna shynaıy rızamyz», dedi tarıhshy Hazretáli Tursyn.
Al Qazybek Isanyń aıtýynsha, atalǵan zań Túrkistanǵa erekshe mártebe berip qana qoımaı, qalanyń qaryshtap damýyna, óńirge qomaqty ınvestısııa tartýǵa, mádenı-rýhanı qundylyqtardyń saqtap qalýǵa zor septigin tıgizbek.
О́z kezeginde «Turkistan Media Holding» basqarýshy dırektory Telman Beısen tarıhı oryndar sanalatyn «Qyzqorǵan», «Balaqorǵan» qamaldaryn memlekettik qorǵaýǵa alýdy usyndy. Osy kıeli jerlerge baratyn joldy jóndep, týrısterge qolaıly jaǵdaı jasaýǵa shaqyrdy.
«Keshegi bizdiń qabyldaǵan zańymyz osyndaı qundylyqtarǵa qyzmet etýi kerek. Qasıetti jerlerdiń mańyzyn saqtaýymyz qajet», dedi Qazybek Isa.