1926 jyldyń 13 qańtarynda Qoshke (Qoshmuhambet) Kemeńgerdiń «Altyn saqına» pesasymen qazaqtyń birinshi kásibı ulttyq teatry Qazaq drama teatrynyń (qazirgi M.Áýezov atyndaǵy Qazaq memlekettik akademııalyq drama teatry) resmı ashylý rásimi ótken bolatyn, dep habarlaıdy Egemen.kz.
О́ner ujymy alǵash ret 1925 jyly Qyzylorda qalasynda uıymdastyryldy. 1929 jyly teatr trýppasy Almatyǵa qonys aýdardy. 1937 jyly akademııalyq mártebesin alsa, al 1961 jyly qazaqtyń zańǵar jazýshysy Muhtar Áýezovtiń esimi berildi. Teatr sahnasynda halyq shyǵarmashylyǵynyń tanymal sheberleri: Isa Baızaqov, Ámire Qashaýbaev, Serke Qojamqulov, Qalıbek Qýanyshbaev, t. b. óner kórsetken. 1926-1932 jyldary teatrǵa akter jáne rejısser Jumat Shanın basshylyq jasaǵan.