Qazaqstanda kásibı sýretshiler arasynda «Ulttyq qundylyqtar: salttyń syrly beınesi» atty respýblıkalyq shyǵarmashylyq baıqaýǵa ótinimder qabyldaý jalǵasyp jatyr, dep habarlaıdy Egemen.kz.
QR Mádenıet jáne aqparat mınıstrligi uıymdastyrǵan baıqaýdyń maqsaty – ulttyq qundylyqtar men mádenı nysandardy dáripteý, otandyq sýretshilerdiń shyǵarmashylyǵyn qoldaý jáne qoǵamdaǵy patrıottyq rýh pen ulttyq biregeılikti qalyptastyrý.
Baıqaýǵa qazaq halqynyń dástúrli mádenı qundylyqtary taqyrybynda peızaj, natıýrmort jáne sıýjettik kartına janrynda jumystaryn usynǵan kásibı sýretshiler qatysa alady.
О́tinimderdi qabyldaý 2025 jyldyń 24 aqpanyna deıin jalǵasady.
Marapattaý rásimi jáne iriktelgen týyndylar kórmesiniń ashylýy 2025 jyldyń 12 naýryzynda ótedi.
Barlyq qosymsha suraqtar boıynsha 8 (7172) 919 035, 919 036 (ishki: 366, 643) telefon nómirlerine habarlasýǵa bolady.
Baıqaý men erejeler týraly tolyq aqparatty Mınıstrliktiń saıtynan bile alasyz.