Izraıl men HAMAS 2023 jyldyń qazan aıynan beri jalǵasyp kele jatqan soǵysty toqtatýǵa ýaǵdalasty. Bul týraly Qatar premer-mınıstri Muhammed ben Abdýl Rahman ál Tanı málimdedi, dep jazady Egemen.kz.
Al áleýmettik jelilerde Gaza turǵyndarynyń qýanyshty emosııalary taspalanǵan vıdeolar tarap júr.
Izraıl men HAMAS atysty toqtatyp, kepilge alynǵandardy bosatý týraly kelisimge kelgen.
Reuters agenttiginiń málimetinshe, eki tarap atysty 6 aptaǵa toqtatyp, Izraıl áskerlerin kezeń-kezeńimen shyǵarý shartyn maquldaǵan. Muhammed ben Abdýl Rahman ál Tanıdiń aıtýynsha, 42 kúndik birinshi kezeńde (alty apta) Izraıl Gaza sektorynyń eldi mekenderinen áskerin áketedi. Sondaı-aq Gazanyń barlyq aımaǵyna gýmanıtarlyq kómek kórsetý kólemi ulǵaıady.
Associated Press agenttigi resmı málimdeme taıaý arada jasalatynyn habarlasa, AQSh-tyń jańadan saılanǵan prezıdenti Donald Tramp Truth áleýmettik jelisindegi paraqshasynda «kelisimge qol jetkizilgenin» jazǵan.