Batys Qazaqstan oblysy Jańaqala aýdanynyń prokýratýrasy taldaý aıasynda mindetti zeınetaqy jarnalaryn aýdarmaý faktisin anyqtady, dep habarlaıdy Egemen.kz.
Bas prokýratýranyń habarlaýynsha, 2024 jyldyń qańtar-shilde aılary aralyǵynda «Kommýnal» memlekettik kásiporyny 28 qyzmetkerge 3 mıllıonnan astam zeınetaqy jarnalaryn tólemegeni anyqtalǵan.
«Atalǵan fakt boıynsha jaýapty kináli tulǵalardy jaýapkershilikke tarta otyryp, qaryzdy óteý sharalaryn qabyldaý týraly prokýrorlyq qadaǵalaý aktisi engizildi. Qadaǵalaý aktisin qaraý nátıjeleri boıynsha «Kommýnal» memlekettik kásiporyny Qazaqstan Respýblıkasy «Ákimshilik quqyq buzýshylyqtar týraly» Kodeksiniń 91-babynyń 6-bóliginiń 5-shi tarmaǵyna sáıkes ákimshilik jaýapkershilikke tartylyp, qaryz tolyǵymen óteldi», delingen habarlamada.