Semeıde bıikten qulaǵan ustazǵa mektep dırektory «shyrsha bezendirýge barasyń» dep buıryq bergeni anyqtaldy. Sondyqtan Qýat Aıtqalıdyń em-domyna jumsalǵan shyǵyn tolyq óteletin bolady, dep habarlaıdy Egemen.kz.
Qazir bir ajaldan aman qalǵan muǵalim úıinde em-dom alyp jatyr. Onyń qulan-taza aıyǵyp ketýine kemi jarty jyl kerek deıdi dárigerler. Sebebi, Qýat Aıtqalıdyń synǵan bas súıeginiń ornyna eki aıdan keıin plastmass salynady.
Al osy oqys oqıǵadan keıin tekseris júrgizgen eńbek ınspeksııasy jazataıym jaǵdaıǵa jumys berýshi kináli deıdi. О́ıtkeni shyrsha bezendirýge mektep dırektory jumsaǵan eken. Sondyqtan jábirlenýshi aqyly túrde emdelse, ketken barlyq shyǵyn tólenedi, deıdi arnaıy komıssııa ókilderi. Sondaı-aq muǵalimge jalaqysy da áli tólenip jatyr. Al eńbek ınspektorlary tekseris qorytyndysyn quzyrly organdarǵa joldaǵan.
«Bul jerde akt jasalyndy, tıisti qujattar toltyryldy. Endi quqyq qorǵaý organdaryna jiberiledi. О́ıtkeni QR QK 156-babyna sáıkes, jumys berýshiler eńbek qorǵaý erejesin buzǵan», deıdi Abaı oblysy memlekettik eńbek ınspeksııasy departamentiniń bólim basshysy Toqtarbek Túsipbaev.