Semserlesýden Bahreınniń astanasy – Manamada ótip jatqan Álem kýboginiń kezeńdik saıysynda elimizdiń jastar quramasy bas júldeni oljalady. Jarys barysynda jerlesterimiz Saýd Arabııa (45:36), Qytaı (45:25), Fransııa (44:43) quramalaryn utty. Jeńimpaz komandanyń sapynda Nurjan Ábjanov, Alekseı Kasatkın, Ǵabıden Mustafın, Kırıll Prohodov óner kórsetti.
Jekeleı saıysta Ǵabıden Mustafın qola júldeger atandy. Bastapqy básekelerde Gleb Kolobnıkovti (Reseı), Halıs Elıboldy (Túrkııa), Georgıı Hamısaevty (Reseı) utqan ol jartylaı fınalda Reseıdiń úzdigi Nıkıta Gorıge jol berdi.
Qytaıdyń Lıýılıan qalasynda aralas jekpe-jekten «Jue Cheng King 007» dep atalatyn týrnır ótti. Jarysta jerlesimiz Salamat Esbolaev (7-0) Mońǵolııanyń ókili Týýlom Namnanbaıarmen (6-1) aıqasty. Osy kúnge deıin jeńilistiń kermek dámin tatpaǵan qazaqtyń qaısar ulyna óziniń segizinshi jeńisine qol jetkizýge nebári 52 sekýnd jetkilikti boldy. Fransııanyń Nıssa qalasynda áıelder kúresi-nen uıymdastyrylǵan Anrı Deglannyń Gran-prıinde elimizdiń qorjynyna qos altyn medal tústi. Onyń ıegerleri – Gúldana Bekesh pen Elmıra Syzdyqova. Jastar arasynda Azııa chempıony Gúldana 59 kg salmaqta, Rıo Olımpıadasy men Djakartadaǵy Azııa oıyndarynda qola medaldi qorjynǵa salǵan Elmıra 76 kg salmaq dárejesinde dara shyqty. Kelesi aıda Qytaıdyń Harbın qalasynda alaýy tutanatyn IH qysqy Azııa oıyndarynda shaıbaly hokkeıden elimizdiń qurama komandasynyń qarsylastary anyqtaldy. Bizdiń jigitter Qytaı, Japonııa, Ońtústik Koreıa, Taıland, Taıpeıge qarsy oınaıdy. Pleı-off básekeleri 10 aqpanda bastalady, fınaldyq saıystar 14 aqpanda ótedi. Birinshi orta salmaqta kúsh synasyp júrgen elimizdiń tanymal kásipqoı boksshysy Álı Ahmedov óziniń kezekti jekpe-jegin AQSh-tyń Kalıfornııa shtatynda Malkolm Djonsqa (17-4-1, 10 KO) qarsy ótkizdi. Bul aıqas asa tartysty bolmady. Jerlesimiz jergilikti boksshyny ekinshi raýndtyń alǵashqy mınýtynda sulatyp saldy. Tanymal bapker Saǵatbek Musahanovtyń shákirtiniń bul kásipqoı rıngtegi 23 jeńisi. 17 kezdesýde Álı qarsylastaryn nokaýtqa jiberdi. Ol tek osydan tórt jyl buryn ekvadorlyq Karlos Gongoraǵa ǵana utyldy. Halyqaralyq ústel tennıs federasııasy (ITTF) 2027-2029 jyldar aralyǵyndaǵy álem chempıonattaryn qabyldaýǵa nıet bildirgen memleketterdiń tolyq tizimin jarııalady. Qulshynys tanytyp otyrǵandar qatarynda bizdiń Qazaqstan da bar. Eger asyǵymyz alshysynan tússe, tórtkúl dúnıeniń teńdessizderi bas qosatyn baıraqty báseke eki jyldan keıin bizdiń elde ótedi. Qurlyqtyq hokkeı lıgasynda (QHL) kúsh synasyp júrgen «Barys» kezekti týr oıynyn Iаroslavldiń «Lokomotıvine» qarsy ótkizdi. Birinshi kezeńde esep ashylmaǵanymen, ekinshisinde qonaqtar astanalyqtardyń qaqpasyna jaýapsyz úsh shaıba saldy – 0:3. Osy esep matchtyń sońyna deıin saqtaldy. Sóıtip, «Barys» qatarynan 11 básekede jeńilis tapty. Elimizdiń birinshi raketkasy Elena Rybakına tennısten Aýstralııanyń ashyq chempıonatynyń ⅛ fınalynda jeńilip qaldy. Tórtinshi aınalymda Elena amerıkalyq Medıson Kızben kezdesti. Match úsh sette 6:3, 1:6, 6:3 esebimen, Kızdiń jeńisimen aıaqtaldy. Aldyńǵy matchta, ýkraınalyq Daıana Iаstremskaıamen kezdesý barysynda E.Rybakına dárigerdiń kómegine júgingen edi. Esterińizge sala keteıik, 2023 jyly Elena Rybakına Australian Open fınalyna shyǵyp, álemniń birinshi raketkasy belarýstik Arına Sobolenkodan jeńilip qalǵan bolatyn. Maýsymdaǵy alǵashqy Úlken dýlyǵa týrnıri – Aýstralııanyń ashyq chempıonaty 26 qańtarda aıaqtalady. Týrnırdiń júlde qory 96,5 mln dollardy quraıdy. Týrnır jeńimpazy $2 169 650, fınalıst $1 177 810 alady.