Keshe, 21 qańtar kúni Astanada qolaısyz aýa raıy bastalyp, jel ekpini sekýndyna 20 metrge jetti, Bul alǵashqy tótenshe jaǵdaılardy týdyrdy, dep habarlaıdy Egemen.kz.
Astanovka98 Telegram arnasynyń habarlaýynsha, qatty jeldiń saldarynan Túrkistan kóshesindegi baǵdarsham qulaǵan. Oqıǵa ornynda adamdar bolmaǵan.
Sondaı-aq qatty daýyl saldarynan «Vostok» turǵyn úı kesheni aıaldamasynyń shatyry ushyp ketti. Jergilikti turǵyndardyń biri ótip bara jatqan adamdarǵa qulap ketpes úshin synǵan elementterdi ózi alyp tastaǵan.
Sınoptıkter aýa raıynyń kúrt nasharlaýyn eskertti.
22 qańtar kúni tańerteń elordada qolaısyz aýa raıy jalǵasady. Qazgıdromet sınoptıkteri qalada daýyldy eskertý jarııalady. Túnde -30 gradýsqa deıin, kúndiz -17-19 gradýsqa deıin bolatyn aıaz kútiledi.