Kúni keshe ekinshi ret AQSh Prezıdenti qyzmetine resmı kirisken Donald Tramp shtattarda tek áıel, er jynysyn zańmen shegeleıtin qaýlyǵa qol qoıdy, dep jazady Egemen.kz.
Álem nazaryn aýdarǵan osy jańalyqtan keıin Qazaqstannyń májilis depýtattary da elde LGBT-ǵa zańmen tyıym salýdy usyndy.
«Bul jańalyq Batysty ózderine qorǵaýshy sanap júrgen qyztekelerge tóbelerinen jaı túskendeı bolǵany anyq. Osy tusta, barlyq qyztekelerge «Dıadıa Donaldtan» jalyndy sálem. Bul rette, AQSh Prezıdentiniń sheshimi Májilis depýtattarynyń LGBT-ǵa qarsy ustanymymen ushtasty. Men biletin Úkimetke keminde birneshe naqty depýtattyq saýal joldandy. Oǵan qosa, LGBT-ny nasıhattaýǵa tyıym salýdy kózdeıtin arnaıy zań normalaryn da ázirledik. Alaıda, osy áreketterimizge keıbir sheneýnikter batys elderi ókilderiniń «demokratııany shektep jatyrsyńdar», «adam quqyǵyn taptap jatyrsyńdar» degen ustanymdaryn jeleý qylyp, qarsylyq bildirdi», degen depýtattar múddesin jetkizgen E.Jańbyrshın sol tusta aqparattyq shabýyl uıymdastyrǵandardy da jazalaýdy surady.
Buǵan deıin E-petition.kz memlekettik platformasynda da Qazaqstanda LGBT nasıhatyna qarsy petısııa jarııalanǵan edi. 2 aptada petısııa 50 myń qol jınaǵan. Depýtat bul kórsetkish ultymyzdyń bolmysyna jat dúnıege jurtshylyqtyń jan-tánimen qarsy ekenin ańǵartatynyn aıtyp, Úkimetke májilismenderdiń talabyn jetkizdi.
«Úkimet tez arada kelesi sharalardy qolǵa alýy qajet. Joǵaryda atalǵan petısııa talaptaryn tolyq qanaǵattandyrý kerek. Barlyq platformalarda, áleýmettik jelilerde LGBT-ny nasıhattaýǵa qarsy zań normalaryn usynamyz. Oǵan Úkimet oń qorytyndysyn berýi tıis», dedi Edil Jańbyrshın.