Búgin bas qadaǵalaý organynda keńeıtilgen alqa otyrysy ótti. Jıynda Bas Prokýror Berik Asylov aktıvterdi qaıtarý isi jalǵasyp jatqanyn atap ótti, dep jazady Egemen.kz.
2024 jyly 428,7 mlrd teńge mólsherinde urlanǵan aktıvter qaıtarylǵan. Qaıtarylǵan aktıvtiń 48 mlrd teńge esebinen 15 áleýmettik jáne ınvestısııalyq joba iske qosylǵan.
«Halyqaralyq tájirıbeni eskere otyryp, sot tártibimen túsiniksiz shyqqan aktıvterdi memleket kirisine aınaldyrý praktıkasy engizildi. Qazirgi tańda nátıje bar ekenin aıta keten jón bolady (10 mıllıon dollarǵa talap qanaǵattandyryldy, soma óteldi). Sonymen qatar, múlikti erikti túrde keri qaıtarý bóliginde sýbektilermen jumys júrgizilip jatyr», dedi Bas Prokýror Berik Asylov.