Qostanaı oblysynyń polıseıleri Sarykól aýylynyń turǵynynan birneshe keli marıhýana men gashısh tárkiledi, dep habarlaıdy Egemen.kz.
Oblystyq polısııa departamentiniń baspasóz qyzmeti óziniń Telegram-kanalynda esirtki qylmysymen kúresý boıynsha qyzmetkerler júrgizgen operasııa týraly habarlady.
- Tintý kezinde polıseıler er adamnyń úıinen maıonez shelekteri, banka, plastıkalyq bótelkeler, sómkeler men elektrondy tarazylar tapty, olardyń ishinde ósimdik tektes esirtki zattary bolǵan, - dep jazdy vedomstvo.
Saraptama arqyly salmaǵy jeti jáne bes keli bolatyn marıhýana men gashısh tárkilendi. Bul asa iri kólemdegi esirtki sanalady.
Kúdiktige qatysty sotqa deıingi tergeý amaldary júrgizilip jatyr.
Vedomstvo asa iri mólsherde zańsyz zattardy saqtaǵany úshin 10 jyldan 15 jylǵa deıingi merzimge bas bostandyǵynan aıyrýǵa jazasy bar ekenin eskertti.
Aıta keteıik, Qostanaı oblysynda jyl basynan beri 13 keliden astam esirtki zańsyz aınalymnan tárkilendi.