Jambyl oblysynyń Qordaı asýynda qatty aıaz saldarynan janarmaıy qatqan júk kóliginiń júrgizýshisine qutqarýshylar kómek kórsetti. Bul týraly QR TJM baspasóz qyzmeti málimdedi, dep habarlaıdy Egemen.kz.
Qutqarýshylar oqıǵa ornyna arnaıy jol talǵamaıtyn kólikpen jetti. Olar júrgizýshiniń bes kún boıy óte aýyr jaǵdaıda bolǵanyn anyqtady.
«Kólik janarmaıy qatqandyqtan, er adam tas jolda esh kómeksiz qalyp qoıǵan. Qutqarýshylar oǵan dereý qajetti kómek kórsetip, densaýlyǵyn tekserdi. Sonymen qatar júk kóliginiń jumysyn qalpyna keltirýge kómektesti», delingen TJM málimdemesinde.
Qutqarylǵan azamat Tótenshe jaǵdaılar mınıstrligine der kezinde kórsetilgen qoldaý men qutqarýshylardyń kásibı áreketteri úshin alǵysyn bildirdi.