Sot 2022 jylǵy qańtar oqıǵasy boıynsha «Dıkıı Arman» laqap atymen tanymal Arman Jumageldıevke úkim shyǵardy, dep habarlaıdy Egemen.kz.
Is Almaty qalasynyń mamandandyrylǵan aýdanaralyq ákimshilik sotynda qaraldy. Sot Arman Jumageldıevti 20 jylǵa bas bostandyǵynan aıyrdy.
Eske salaıyq, 2024 jyldyń aqpan aıynda «Dıkıı Arman» uıymdasqan qylmystyq tobynyń músheleri Almaty men Shymkentte ustalǵan edi.
2023 jyldyń qyrkúıeginde tergeýshiler «Dıkıı Arman» degen atpen belgili krımınaldyq top Arman Jumageldıev pen Almaty qalasy máslıhatynyń depýtaty Qaırat Qudaıbergenniń isin sotqa tapsyrǵanyn jazǵan edik.
Olarǵa bılikti nemese laýazymdyq ókilettikterdi asyra paıdalanǵany (QK-niń 362-baby), uıymdasqan qylmystyq topty qurǵany, oǵan basshylyq jasaǵany jáne oǵan qatysqany (QK-niń 262-baby), tonaǵany (QK-niń 191-baby), zańsyz bas bostandyǵynan aıyrǵany (QK-niń 126-baby), 2022 jylǵy qańtardaǵy jappaı tártipsizdikterdi uıymdastyrǵany jáne oǵan qatysqany (QK-niń 272-baby), bandıtızm (QK 268-baby) úshin aıyp taǵyldy.