Prezıdent Úkimettiń keńeıtilgen otyrysynda áleýmettik kómek shyn muqtajdarǵa jetýi tıistigin basa aıtty, dep jazady Egemen.kz.
Prezıdent Úkimettiń áleýmettik kómek máselesine kelgende tym saqtyq tanytyp jatqanyn aıtyp, dese de, naqty usynystar men ony sheshý joldaryn qaraý qajet ekenine nazar aýdardy.
«Qazaqstan – shyn máninde áleýmettik memleket. Biraq bul – azamattarymyzdyń, ásirese, óskeleń urpaqtyń eńbek etýge yntasyn azaıtyp, olardy masyldyqqa úıretý degen sóz emes. Qazaqstanǵa kórshi elderden júz myńdaǵan eńbek mıgranty jumys izdep kelip jatyr. Olardyń bul áreketin qurmetke laıyq deýge bolady. Sebebi olar otbasyna nápaqa tabý úshin jumys istegisi keledi», dedi Prezıdent.
Memleket basshysy turǵyn úı qoryn basqarý júıesin jappaı reformalaý mańyzdy mindet ekenin atap ótti.
«Qala qurylysyn josparlaýdan bastap, nysandardy paıdalanýǵa berýge deıingi barlyq úderisti sıfrlyq formatqa tolyq kóshirý qajet. Biryńǵaı aqparat júıesin jyl sońyna deıin ázirleý kerek. Biz byltyr turǵyn úı qurylysy boıynsha rekordtyq kórsetkishke qol jetkizdik (19 mln. sharshy metr). Bul – óte jaqsy. Biraq turǵyn úıdiń sanyna emes, sapasyna jáne onyń qoljetimdi bolýyna basa nazar aýdarǵan jón», dedi Qasym-Jomart Toqaev.