Oǵan áskerı-patrıottyq klýb tárbıelenýshileri, oqýshylar, stýdentter qatysty, dep habarlaıdy Egemen.kz.
Almatyda ótken atalǵan áskerı-patrıottyq án baıqaýynda qazylar alqasyn aty ańyzǵa aınalǵan general-maıor Ivan Panfılovtyń nemeresi, Ulttyq áskerı-patrıottyq ortalyq bastyǵynyń orynbasary – Almaty qalasy Jaýyngerlik dańq murajaıynyń áskerı-tarıhı qundylyqtar bóliminiń bastyǵy Alýa Baıqadamova basqardy.
Bas júldeni jeńip alǵan №27 gımnazııanyń oqýshysy Iýlııa Maksqa X-Factor shoýynyń jattyqtyrýshylary Bek Oralbekov pen Gúljıan Ospanovanyń vokal boıynsha 10 sabaqqa syılyq sertıfıkaty, aqshalaı syıaqy, kýbok tabystaldy.
Birinshi oryn sol gımnazııanyń ónerpazy Alýanaı Sapı, ekinshi oryndy №118 mektep-gımnazııanyń oqýshysy Tımýr Kırılov, úshinshi oryn №78 gımnazııanyń oqýshysy Alsý Alýhanovaǵa buıyrdy. Baıqaý júldegerleri «Otan daýysy» músinsheleri men vokaldy oqytýǵa sertıfıkattar aldy.