Álem elderi sııaqty Qazaqstandy da tehnologııalyq tártipke kóshýden týyndaǵan jahandyq ózgeristerdi aınalyp ótpeıdi. Sıfrlandyrý men ınnovasııa jahandyq ekonomıkaǵa aıtarlyqtaı áser etedi. Bul – transformasııanyń eń kúrdeli saldarynyń biri elder jáne memleketter ishindegi ártúrli áleýmettik toptar arasyndaǵy áleýmettik-ekonomıkalyq teńsizdiktiń artýy.
Elimiz óz saıasatynda adamı kapıtaldy damytý negizgi elementke aınalǵan ınklıýzıvti ekonomıkaǵa basymdyq beredi. Úkimettiń keńeıtilgen otyrysynda aıtylǵan bastamalar azamattardyń ómir súrý sapasyn jaqsartýǵa baǵyttalǵan keń aýqymdy áleýmettik-ekonomıkalyq reformalardyń zańdy jalǵasy bolmaq. Ekonomıkany jańǵyrtýdyń qajettilikterin eskere otyryp, elge ınvestısııa tartý ekonomıkalyq strategııanyń negizgi máselesi retinde qarastyrylady. Investorlar úshin preferensııalar men kepildikter keshenin qosa alǵanda, sheteldik jáne otandyq ınvestısııalardy yntalandyrý boıynsha qosymsha is-sharalar ázirlenedi. Bul rette ınvestorlardan memleket aldyndaǵy birqatar mindettemeni oryndaý talap etiledi. Bul degenimiz – jumys oryndaryn saqtaý, óndiristi jańǵyrtý, sonymen qatar ekologııalyq talaptardy saqtaý.
Memleket aldynda turǵan basty másele – demografııalyq ósý. Elimizde jyl saıyn 400 myńǵa jýyq bala dúnıege keletinin eskersek, bul kórsetkish eńbek naryǵy men ınfraqurylymǵa qatty áser etedi. Bul úrdis memleketten áleýmettik jáne ekonomıkalyq saıasatty josparlaýǵa strategııalyq kózqarasty talap etedi.
Anna Alshanskaıa,
Prezıdent janyndaǵy QSZI Ekonomıkalyq saıasatty taldaý bóliminiń basshysy