Astana polısııasy ustalǵandardyń buryn birneshe ret sotty bolǵandaryn málimdedi, dep jazady Egemen.kz.
Qylmystyq topqa birqatar aýyr qylmys jasady degen aıyp taǵylyp otyr.
«Kúdiktiler qorqytý jáne zorlyq-zombylyq jasap jergilikti turǵynnan 5 mln teńge somasynda qarajat jáne Toýota markaly jol talǵamaıtyn kóligin ıemdengen. Taǵy birde banktiń irgeles aýmaǵynan 6 mln teńgeni ashyq túrde tonap ketken», delingen polısııa habarlamasynda.
Qylmystyq toptyń barlyq qatysýshysy qamaýǵa alynǵan. Olardyń basqa da osyǵan uqsas qylmystyq quqyq buzýshylyqtarǵa qatysty bar-joǵy anyqtalady. Sotqa deıingi tergep-tekserý aldyn ala sóz baılasý arqyly adamdar toby jasaǵan bopsalaý jáne tonaý faktileri boıynsha júrgizilip jatyr.