Erkebulan Ilıasov Qazaqstan Respýblıkasy Ulttyq sport qaýymdastyǵynyń prezıdenti bolyp saılandy, dep habarlaıdy Egemen.kz QR Týrızm jáne sport mınıstrliginiń baspasóz qyzmetine silteme jasap.
1 aqpan kúni - Qazaqstan Respýblıkasy Ulttyq sport qaýymdastyǵynyń kezekten tys jalpy otyrysy ótti. Otyrysqa QR Týrızm jáne sport mınıstriniń orynbasary Serik Jarasbaev, sondaı-aq, elimizdiń ulttyq sport federasııalarynyń prezıdentteri men ókilderi qatysty.
Jıynda ulttyq sport qaýymdastyǵynyń prezıdenti qyzmetin atqarǵan Islambek Saljanov sońǵy eki jyldaǵy atqarylǵan jumysy jaıynda keńinen esep berip, qorytyndylady. Qaýymdastyq quryltaıshylary daýys berý arqyly jańa jarǵy qabyldap, nátıjesinde Erkebulan Saıdollauly Ilıasov biraýyzdan Qazaqstan Respýblıkasy Ulttyq sport qaýymdastyǵynyń prezıdenti bolyp saılandy.
Otyrys barysynda Serik Jarasbaev Islambek Tóleýbaıulyna ulttyq sporttyń damýyna qosqan úlesi úshin alǵys bildirip, jańa prezıdent Erkebulan Saıdollaulyna sáttilik tiledi. Sonymen qatar, ol barlyq federasııalardyń yntymaqtastyǵyn nyǵaıtyp, ulttyq sport túrlerin álemdik deńgeıde nasıhattaý úshin birlesip jumys isteýge shaqyrdy.