Belarýs mınıstrler kabıneti qaıta saılanǵan prezıdenttiń aldynda otstavkaǵa ketti, dep habarlaıdy Egemen.kz Belarýs Respýblıkasy Prezıdentiniń resmı saıtyna silteme jasap.
Tıisti qaýlyǵa Roman Golovchenko qol qoıdy.
Respýblıka Prezıdentiniń baspasóz qyzmeti Aleksandr Lýkashenkonyń premer-mınıstrge, onyń orynbasarlaryna, mınıstrlerge, memlekettik komıtetterdiń tóraǵalaryna jáne Mınıstrler keńesi apparatynyń meńgerýshilerine jańa qurylym qurylǵanǵa deıin óz mindetterin oryndaýdy jalǵastyrýdy tapsyrǵanyn habarlady.
Aıta keteıik, Belarýstegi saılaýda saılaýshylardyń 86,82 paıyzy Aleksandr Lýkashenkoǵa daýys bergen edi.
Eske salaıyq, Aleksandr Lýkashenko Belarýs Respýblıkasynyń Prezıdenti laýazymyna 1994 jyldan bastap jetinshi ret saılanyp otyr.