IIM UQK-men birlesip, zańsyz aınalymnan qarý-jaraqty, onyń ishinde qańtar oqıǵasy kezinde urlanǵan qarýdy anyqtaý jáne tárkileý boıynsha júıeli jumys júrgizip jatyr, dep habarlaıdy Egemen.kz Polisia.kz-ke silteme jasap.
Esterińizge sala keteıik, jappaı tártipsizdik kezinde 2960 tabeldik jáne azamattyq qarý urlanǵan bolatyn.
«Bul rette sońǵy úsh jylda jedel is-sharalardyń, tintý jáne reıdterdiń nátıjesinde 8 myńǵa jýyq atys jáne travmatıkalyq qarý, 831 granata jáne túrli kalıbrli 112 myńnan astam oq-dáriler tabylyp, tárkilendi. Sondaı-aq qarý jasyrylǵan 722 oryn tabyldy. Búgingi tańda qańtar oqıǵasy kezinde urlanǵan 1226 qarýdyń shyǵý tegi naqty aıqyndaldy. Qalǵan tárkilengen 6765 qarýdyń qylmyskerler tirkeý nómirlerin qasaqana joıyp, óshirip tastaǵanyna baılanysty qazirgi ýaqytta olar boıynsha tıisti saraptamalar taǵaıyndaldy, - dedi departament bastyǵy», dedi IIM resmı ókili Shyńǵys Alekeshev.
Bıyl qańtar aıynda Shymkent qalasynyń shetinde zırat mańynan qarý jasyrylǵan oryn tabylyp, 4 tegis uńǵyly myltyq pen túrli oq-dáriler tárkilengen. Anyqtalǵandaı, olardyń ishinde Almaty qalasyndaǵy qarý-jaraq dúkeninen qańtar oqıǵasy kezinde urlanǵan qarýlar da bar. Sondaı-aq Qostanaı oblysynda buryn sottalǵan jergilikti turǵynnyń jertólesinen 3 Kalashnıkov avtomaty tabylyp, tárkilendi.
Atalǵan boıynsha qylmystyq is qozǵalyp, kúdikti ýaqytsha ustaý ızolıatoryna qamalǵan.