Shvesııanyń ortalyǵyndaǵy Erebrý qalasyndaǵy balalar mektebiniń janyndaǵy eresekterge arnalǵan bilim berý ortalyǵynda adamdarǵa oq jaýdyrǵan er adam qaza tapty, dep habarlaıdy Egemen.kz BBC aqparattyq agenttigine silteme jasap.
Qalalyq polısııa basshysy Roberto Eıd Forest oqıǵa saldarynan «shamamen 10 adamnyń» mert bolǵanyn, onyń ishinde oq jaýdyrǵan er adamnyń da qaza tapqanyn rastady.
Qylmysker týraly belgili aqparat – ol polısııaǵa buryn tanys emes jáne eshqandaı uıymdasqan qylmystyq topqa qatysy bolmaǵan. Polısııa shabýyldy ázirge lańkestik áreketpen de baılanystyryp otyrǵan joq.
«Qaza tapqandardyń biri qazir basty kúdikti sanalyp otyr. Ol buryn polısııaǵa belgisiz bolyp kelgen jáne bul oqıǵa nelikten bolǵanyn áli kúnge deıin bilmeımiz», deıdi Shvesııanyń ádilet mınıstri Gýnnar Strommer.
Bılik qala turǵyndaryn budan ári shabýyldy kútýge negiz joqtyǵyna, sondyqtan erteń tańerteń balalardy esh qoryqpastan mektepke ádettegideı jiberýge bolatynyna sendirdi.