Búgin QR Prezıdenti janyndaǵy Qazaqstannyń strategııalyq zertteý ınstıtýtynyń (QZSI) sarapshylary memleket basshysynyń keıingi 3 jyldaǵy reformalarynyń nátıjelerin talqylady, dep jazady Egemen.kz.
2022 jyly sybaılas jemqorlyqqa qarsy kúresti kúsheıtip, áleýmettik ádilettilikti qalpyna keltirý maqsatynda Qazaqstan zańsyz shyǵarylǵan aktıvterdi qaıtara bastady.
2023 jyly «Zańsyz ıemdenilgen aktıvterdi memleketke qaıtarý týraly» Zań qabyldandy. Qazir osy zań aıasynda jumystar qarqyndy júrip jatyr. Aktıvterdi qaıtarý máseleleri jónindegi komıssııanyń málimetinshe, byltyr memleket kirisine qosymsha 900 mlrd. teńgeden astam qarajat tartylǵan.
«2022 jyldan bastap memleketke shetelden qaıtarylǵan 750 mln dollardan astam somany qosa alǵanda, jalpy somasy shamamen 1,7 trln teńgege aktıv qaıtaryldy. Bul qarajat áleýmettik nysandardy salýǵa, sý tasqyny saldaryn joıýǵa jáne ózge de ózekti máselelerdi sheshýge jumsalady», delingen QZSI habarlamasynda.
Halyqaralyq sarapshylar zańsyz shetel asqan aktıvterdi qaıtarý isi 1 jyldan astam ýaqytty talap etse de áleýmettik ádilettilikti qalpyna keltirip, ekonomıkalyq jaǵdaıdy jaqsartýda mańyzdy qadam dep baǵalaıdy.