30 qańtar kúni Baızaq aýdany Dıhan aýylyndaǵy mektepte tehnıkalyq qyzmetker aǵashtardy kesý kezinde qaza boldy, dep jazady Egemen.kz.
51 jastaǵy jumysshynyń ólimine qatysty oqıǵanyń bolǵanyn oblystyq Bilim basqarmasy rastap otyr.
Aımaq polısııasy bul iske qatysty Qylmystyq kodeksiniń 156-babynyń 3-bóligi boıynsha qylmystyq is qozǵalǵanyn habarlady. Qazir «jumys berýshi eńbek qaýipsizdigi erejelerin uıymdastyryp, qamtamasyz etti me?», degen saýal zerdelenip jatyr. Tıisti saraptamalar taǵaıyndalǵan.
Eger jumys berýshiniń kinási dáleldense belgili bir laýazymdardy atqarý nemese belgili bir qyzmetpen aınalysý quqyǵynan 3 jylǵa deıin aıyrý nemese 5 jylǵa deıin bas bostandyǵyn shekteý, ne sol merzimge bas bostandyǵynan aıyrý jazasy taǵaıyndalýy múmkin.