Memleket basshysy Qasym-Jomart Toqaev otandyq bıznes ókilderimen kezdesýde elimizdegi iskerlik ahýaldy jaqsartý - eń basty maqsattardyń biri ekenin atap ótti, dep habarlaıdy Egemen.kz.
«Kvazımemlekettik sektor sýbektilerin qurýǵa moratorıı engizildi. Retteletin satyp alýlarǵa bıznes ókilderi ótinim bergen jaǵdaıda, oǵan memlekettik kásiporyndardyń qatysýyna zań júzinde shekteý qoıyldy. Bıznesti negizsiz qyspaqqa alýdan jáne salalyq organdardyń zańsyz tekserýinen qorǵaý úshin júıeli jumys qolǵa alyndy. Qylmystyq kodekstiń bes baby izgilendirildi. Eki bap boıynsha qylmystyq jaýapkershilikke tartý talaptary joǵarylady, ekonomıkalyq quqyq buzýshylyqtyń 29 túri boıynsha tutqyndaýǵa tyıym salyndy», dedi Prezıdent.
Qasym-Jomart Toqaevtyń aıtýynsha, 2022 jyldan beri kásipkerlik salasynda tirkelgen qylmystyq isterdiń sany eki ese qysqarǵan.
«Budan bólek, kásipkerlik qyzmetke zańsyz aralasqany úshin ákimshilik jaýapkershilik kúsheıtildi. Investorlardy negizsiz tekserýdiń, olarǵa aıyppul salýdyń aldyn alyp, ruqsattama berýge kedergi keltirmes úshin «prokýror súzgisi» engizildi. Búginde prokýrorlar ınvestor quqyǵyn buzatyn 700-den asa faktige tosqaýyl qoıdy. Munyń bári bıznestiń quqyǵy men zańdy múddesin qorǵaýǵa zor yqpal etti»,dedi Memleket basshysy.