• RUB:
    6.68
  • USD:
    520.93
  • EUR:
    609.07
Basty saıtqa ótý
Qoǵam 11 Aqpan, 2025

Byltyr jumys kúshi tapshy óńirlerge 9 myńǵa jýyq adam kóship barǵan

90 ret
kórsetildi

2024 jyldyń qorytyndysy boıynsha erikti qonys aýdarý aıasynda jumys kúshiniń utqyrlyǵyn arttyrý úshin jumys kúshi artyq óńirlerden jumys kúshi tapshy óńirlerge 8 950 adam, onyń ishinde 3 000 qandas jáne 5 950 qonys aýdarýshy kóship keldi. Barlyq qonys aýdarýshylarǵa memlekettik qoldaý sharalary kórsetilgen, dep habarlaıdy Egemen.kz.

Qonystandyrý óńirleri bólinisinde Pavlodar oblysyna – 3 422 adam, Soltústik Qazaqstan oblysyna – 2 547 adam, Qostanaı oblysyna – 1 020 adam, Shyǵys Qazaqstan oblysyna – 781 adam, Aqmola oblysyna – 537 adam, Abaı oblysyna – 530 adam, Ulytaý oblysyna – 70 adam, Qaraǵandy oblysyna – 43 adam qonys aýdarǵan.

Qonystaný aımaqtaryna kóshken qandastarymyz negizinen Mońǵolııadan – 1 072 adam, О́zbekstannan – 908 adam, QHR – 762 adam, Reseıden – 164 adam, basqa elderden – 94 adam kelgen.

Kelýshiler qatarynan eńbekke qabiletti jastaǵy 4 279 adamnyń (qonys aýdarýshylar men qandastar) 2 721-si turaqty jumys oryndaryna ornalastyrylǵan, 207 adam kásipkerlik qyzmetpen aınalysýda, bıznes ashý úshin 25 adam grant alǵan.

Qonys aýdarýshylar men qandastar densaýlyq saqtaý, aýyl sharýashylyǵy, bilim berý, ónerkásip jáne t.b. salalarǵa jumysqa ornalasqan. 

Eńbek jáne halyqty áleýmettik qorǵaý mınıstrliginiń baspasóz qyzmetiniń málim etýinshe qonys aýdarýshylardyń biri –  Súleımenovter otbasy, olar qonys aýdarǵannan keıingi ómirlerindegi oń ózgeristerimen bólisken. 2023 jyly oblystyq qonys aýdarý kvotasyna engizilgennen keıin olar Mańǵystaý oblysynan Soltústik Qazaqstan oblysynyń Taıynsha qalasyna qonys aýdarǵan.

«Otbasynyń árbir múshesine qonys aýdarýǵa 1 690 500 teńge kóleminde materıaldyq kómek túrinde memlekettik qoldaý kórsetildi, sonymen qatar ekonomıkalyq utqyrlyq sertıfıkaty boıynsha turǵyn úı satyp aldyq. Biz kóshýge sheshim qabyldaǵanymyzǵa jáne qonys aýdarýshylarǵa jumys izdeýge kómektesetin, alǵashqy materıaldyq kómek kórsetetin memleket tarapynan osyndaı baǵdarlama bar ekenine óte qýanyshtymyz», dedi otaǵasy Janbolat Súleımenov.

Ol Aqtaý qalasynyń №1 kásiptik lıseıin «Esepteý tehnıkasyna qyzmet kórsetý jónindegi tehnık operator» mamandyǵy boıynsha bitirgen, jubaıy «Pedagogıka jáne psıhologııa» mamandyǵy boıynsha joǵary bilimi bar. Taıynsha aýdanynyń mansap ortalyǵy jumysqa ornalasýǵa kómek kórsetti. Janbolat «Kókshe Tehstroı» JShS-de jumys isteıdi. Jubaıy «Qarlyǵash» balabaqshasyna tárbıeshi bolyp jumysqa ornalasty.

Esterińizge salaıyq, erikti qonys aýdarý aıasynda qonys aýdarýshylarǵa memlekettik qoldaýdyń mynadaı sharalary usynylady:

- otaǵasyna jáne otbasynyń árbir múshesine 70 AEK mólsherinde kóshýge arnalǵan bir rettik sýbsıdııa;

- otbasy músheleri sany men eldi mekenge baılanysty 15-ten 30 AEK-ke deıingi mólsherde 12 aı ishinde turǵyn úı jaldaýǵa jáne kommýnaldyq qyzmetterge aqy tóleýge aı saıynǵy sýbsıdııalaý;

- qysqa merzimdi kásiptik oqytýǵa joldama;

- jumysqa ornalasýǵa nemese kásipkerlik bastamany damytýǵa járdemdesý;

- ekonomıkalyq utqyrlyq sertıfıkattaryn berý.

Budan basqa, óńiraralyq qonys aýdarýǵa járdem kórsetetin jumys berýshilerge turǵyn úımen qamtamasyz etilgen jáne keminde 2 jyl merzimge turaqty jumysqa qabyldanǵan árbir qyzmetker úshin 400 AEK mólsherinde jumysqa ornalasýǵa birjolǵy sýbsıdııa beriledi.