Atyraý oblysynda qorshaǵan ortany lastaǵan kásiporyndarǵa 45 tekserý júrgizilgen.
Atyraý oblystyq ekologııa departamentiniń basshysy Asqar Júsipovtiń aıtýynsha, ekologııalyq zańnamany buzatyndar qatarynda Atyraý munaı óńdeý zaýyty, «Teńizshevroıl», NCOC, «Qojan», «Kaspıı Neft» sekildi kompanııalar bar.
«Munaıly óńirde iri ónerkásiptik kásiporyndar az emes. Mundaı kásiporyndardyń jumysy qorshaǵan orta tazalyǵyna keri áser etedi. Osyǵan baılanysty ekologııalyq zańnamanyń saqtalýyn qatań baqylaýda ustaımyz. Byltyr júrgizilgen tekserýlerdiń nátıjesinde birqatar kásiporynnyń qorshaǵan ortaǵa tıgizetin teris áseriniń aldyn alý úshin ákimshilik sharalar qoldanyldy. Ekologııalyq zańnamany buzǵan kásiporyndarǵa qatysty 200-den astam ákimshilik is qozǵaldy. Jalpy somasy 42 mlrd teńgeniń aıyppuly salyndy. Aıyppuldyń 26 mlrd teńge memleket paıdasyna óndirildi», dep habarlady Asqar Júsipov.