Sınoptıkter dúısenbi, 17 aqpanda respýblıkamyzdyń basym bóliginde aýa raıynyń qaýipti qubylystaryna qatysty boljam jarııalady, dep habarlaıdy Egemen.kz.
Boljamǵa sáıkes, atmosferalyq fronttardyń ótýine baılanysty elimizdiń birneshe óńirinde qar jaýady.
«Tek elimizdiń soltústik-shyǵysynda, ońtústiginde antısıklon áserinen jaýyn-shashynsyz aýa-raıy saqtalady», delingen habarlamada.
Respýblıka boıynsha tuman, soltústik pen batysta burqasyn men jel kútiledi.
Astanada qubylmaly bultty, azdaǵan qar jaýady, burqasyn bolady. Jel 9-14 m/s, ekpini 20 m/s. Aýa temperatýrasy túnde -9...-11°C, kúndiz -3...-5°C.
Almatyda jaýyn-shashynsyz, tuman, kóktaıǵaq. Jel 2-7 m/s. Aýa temperatýrasy túnde -4...-6°C, kúndiz 0...+2°C.
Shymkentte kún bultty, qurǵaq. Jel 5-10 m/s. Aýa temperatýrasy túnde -3...-5°C, kúndiz +7...+9°C.