Alǵashqy 4 aı ishinde 170 myń kólik atalǵan kópir arqyly júrip ótken. Iаǵnı, kún saıyn shamamen 1,5 myńǵa jýyq kólik kópirdi paıdalanady, dep jazady Egemen.kz.
Eske salaıyq, kópir – Shyǵys Qazaqstan oblysyndaǵy Buqtyrma sý qoımasy arqyly ótedi, onyń jalpy uzyndyǵy – 1316 metrdi, al eni –12,2 metrdi quraıdy. Qaýipsizdikti qamtamasyz etý úshin jańa kópirde 102 beınebaqylaý kamerasy ornatylǵan. Kúrshimdegi kópir atalǵan oblystyń Kúrshim, Úlken Naryn, Marqakól, Katonqaraǵaı, Tarbaǵataı, Zaısan aýdandaryn О́skemen qalasymen baılanystyrady.
Buǵan deıin aımaq turǵyndary 500 shaqyrymǵa deıin aınalma jol júrýge májbúr bolǵanyn aıta ketken jón. Bul janarmaıdy ǵana emes, ýaqytty da únemdeýge zor múmkindik. Buryn taýarlar, jazda – parom, qysta – muz ústimen ákelingen, al maýsymnan tys ýaqytta eshteńe ákelinbese, endi taýarlar úzilissiz jetkizilip, dúkenderde baǵalar turaqtalǵan. Túıindeı aıtqanda, kópir – adamdardyń ómir súrýine qolaıly jaǵdaı jasady.
Kólik mınıstrliginiń málimetinshe, Kúrshimdegi kópir – Shyǵys Qazaqstannyń áleýmettik-ekonomıkalyq damýyna serpin berip qana qoımaı, tutastaı alǵanda eldiń kólik-logıstıkalyq salasynyń damýyna oń áserin tıgizip, logıstıkalyq baǵyttardy jaqsartyp, shekara mańyndaǵy eldermen úzdiksiz baılanystardy qamtamasyz etti. Sondaı-aq kópir aımaqtyń týrıstik áleýetin de arttyrady.