Shymkentte zeınetkerden 46 mln teńge alǵan alaıaqtar qamaýǵa alyndy, dep habarlaıdy Egemen.kz.
Qashyqtan alaıaqtyq jasaǵan eki kúdiktini kıberpolıseıler «Anti-fraud» is-sharasy aıasynda júrgizilgen jedel-izdestirý jumystary barysynda ustady.
69 jastaǵy qala turǵyny alaıaqtardyń arbaýyna túsip qalady. Jábirlenýshi aldymen «uıaly baılanys operatorlarynan» SIM-kartasynyń merzimi aıaqtalǵany týraly qońyraý qabyldaǵanyn aıtty.
Merzimdi uzartý úshin ol SMS-kodty bergen. Biraz ýaqyttan keıin azamatshaǵa «quqyq qorǵaý organdarynan» habarlasyp, shotynda kúmándi operasııalar bastalǵanyn jáne aldyńǵy qońyraý shalǵandar alaıaqtar ekenin jetkizgen.
Zeınetker qaskóıdiń nusqaýymen shotyndaǵy bar aqshany sheship alyp, jınap tergenin saqtap qalý úshin «senimdi qolǵa» ýaqytsha tapsyrǵan. Ishinde 46 mln teńge bar paketti jalǵan quqyq qorǵaýshylar aýladaǵy oryndyqtan alyp ketken.
Qazirgi tańda atalǵan jaıt boıynsha tergeý júrgizilip jatyr. Kúdiktiler qamaýǵa alyndy. Shymkent PD kıberpol bastyǵynyń orynbasary Shyńǵys Jaılaýbektiń aıtýynsha, bul qashyqtan jasalatyn alaıaqtyqtyń keń taralǵan shemalarynyń biri.