Kólik-logıstıkanyń ózekti máseleleri

Avtomobıl, temirjol, sý jáne avıa­sııa kóligi salalaryndaǵy aǵym­daǵy jaǵdaı men kúrdeli máselelerge qatys­ty syndarly dıalog ótti. Bız­nes ókilderi jeke ınvestısııalardy en­gizýdegi jáne saladaǵy jańa ınfra­qury­lymdyq jobalardy iske asyrý bary­syndaǵy ákimshilik kedergiler týra­ly málimdedi. Elimizdegi bıznes-ahýaldy jaqsartý úshin retteýshi normalardy jetildirý týraly usynystar aıtyldy.

«Konkýrent-B» JShS bas dırektory Baqytbek Qadyrov temirjol sala­syna jeke ınvestısııalardy tartý­ǵa qatysty usynystar aıtty. Atap aıt­qanda, ınfraqurylymy joq, biraq eko­nomıkalyq ósý úshin áleýeti bar óńirlerde jańa joldar salý jó­ninde bastama kóterdi. Bul ınfra­qu­rylymdaǵy kedergilerdi jeńildetýge, elishilik aýmaqtyq baılanystyń damýyn qamtamasyz etýge múmkindik beredi.

Premer-mınıstr temirjol qury­lysyna jeke ınvestısııalarǵa qatys­ty bastamany qoldap, Kólik mınıstr­ligine bıylǵy 1 naýryzǵa deıin ınvestısııalardy qaıtarý tetigi boıynsha naqty usynystar engizýdi tapsyrdy.

Halyqaralyq avtomobıl tasymaldaýshylar odaǵynyń prezıdenti Maqsat Saqtaǵanov kóliktegi baqylaý taqyrybyn kóterdi. Usynys retin­de avtomobıl kóliginde valıýtalyq baqylaýdy engizý ıdeıasy aıtyldy. Sondaı-aq onyń pikirinshe, ruqsat berý qujattarynyń túpnusqalyǵyn tekserý rásimi boıynsha zańnamaǵa ózgerister engizý qajet.

Kólik vıse-mınıstri Maqsat Qalıaq­parov ruqsat berý qujattary­nyń ashyqtyǵyn qamtamasyz etý maq­satynda qoldan jasaýǵa jol bermeý úshin QR-kodtardy engizý jospary týraly baıandady.

«Victory trans» JShS dırektory Qýanyshbek Sadyrbaev otandyq tasymaldaýshylardy qoldaý maqsatynda Qazaqstanda halyqaralyq tasymaldarda avtomobıl kóligine ruqsat berý júıesin qoldaný erejelerine birqatar ózgeris engizý týraly bastama kóterdi.

Elimizdiń 60 iri jáne 40 shaǵyn avtobýs tasymaldaýshylaryn birikti­retin «Qazaqstan avtomobıl konven­sııa­sy» qaýymdastyǵynyń prezı­denti Marat Berqalıev elimizde avtomo­bıl kóligimen jolaýshylar tasymalyn damytý jónindegi 3 jylǵa arnal­ǵan sharalar keshenin bekitýge qatysty usy­nystaryn aıtty, onda tasymaldaý­shylardyń shyǵyndaryn tolyq sýbsıdııalaý, parkti jańartý jáne basqa da máseleler kózdelgen.

Premer-mınıstr bul usynysty qoldap, Kólik mınıstrligine tıisti tapsyrma berdi.

«Sary-Arqa» halyqaralyq áýejaıy» AQ bas dırektory Erlan Ospanov shaǵyn avıasııa ınfraqury­lymy úshin áýe habtaryn damytý boıynsha birqatar shara usyndy. Áýejaılardy júıeli damytý, olardyń ekonomıkalyq turaqtylyǵyn arttyrý qajettigine basa nazar aýdaryldy.

Premer-mınıstr bastamalarǵa qoldaý bildirip, áýejaılardyń jumy­sy úshin básekege qabiletti jaǵdaı jasaýdyń mańyzdylyǵyn atap ótti. Atal­ǵan máselege qatysty egjeı-teg­jeıli pysyqtaý jáne sheshim qabyldaý úshin qosymsha kezdesýler ótkiziledi.

Kezdesý qorytyndysy boıynsha Oljas Bektenov kólik ınfra­quryly­myn damytý memleket pen bıznestiń belsendi ózara is-qımylyn qajet etetinin basa aıtty. Memlekettik bıýdjet sala­nyń barlyq qajettiligin óteı almaıdy, sondyqtan jeke ınvestısııalar tartýǵa basymdyq beriledi.

Úkimettiń «Atameken» UKP-men el ekonomıkasyn tıimdi damytý maq­satynda bıznes pen memlekettik organdardyń ózara is-qımylyn ny­ǵaı­tý jónindegi birlesken jumysy jalǵasyp jatyr.