Reıs keshigýi - kez kelgen jolaýshy tap bolýy múmkin jaǵymsyz jaǵdaı, dep habarlaıdy Egemen.kz.
Jolaýshylardyń quqyqtary qandaı?
Azamattyq avıasııa komıteti málimetinshe, "Qazaqstan Respýblıkasynyń áýe keńistigin paıdalaný jáne avıasııa qyzmeti týraly" zańnyń 86-babyna sáıkes reıs keshigýine áýekompanııa kináli bolǵan jaǵdaıda áýe kemesi kesh kelýine baılanysty tasymaldaýshy mynaǵan mindetti:
Jolaýshylarǵa aralyq pýnktterde salqyn sýsyndar berý;
Keshikken ýaqytyna baılanysty ystyq tamaqpen qamtamasyz etý;
Keshikken ýaqytyna qaraı qonaqúı uıymdastyrý;
Qajet bolǵan jaǵdaıda áýejaıdan qonaqúıge jáne keri transfer berý.
Aqshalaı ótemaqy alýǵa bola ma?
Zańǵa sáıkes jolaýshylar aqshalaı ótemaqy alýǵa da quqyly.
- Jolaýshyny mejeli jerge kesh jetkizgeni úshin tasymaldaýshy ár keshikken saǵat úshin tarıf (keshikken ushý ýchaskesiniń tarıfi) qunynyń úsh paıyzyn aıyppul retinde tóleýge mindetti. Sonymen qatar, jolaýshy keshigýine baılanysty shyǵynǵa ushyraǵan jaǵdaıda da ótelýi qajet. Aıyppuldyń jalpy somasy satyp alynǵan tarıftiń (ushý ýchaskesiniń tarıfiniń) qunynan aspaýǵa tıis, - dep túsindirdi AAK ókilderi.
О́temaqyny qalaı alýǵa bolady?
Eger reısińiz keshigip, tıisti ótemaqy nemese qyzmetterdi alǵyńyz kelse:
Áýekompanııa ókildigine júginip, qajet qyzmetterdi talap etińiz.
Barlyq qujatty saqtańyz: otyrǵyzý talony, bılet, qosymsha shyǵyndarǵa (tamaq, qonaqúı) ketken chekter.
Eger tasymaldaýshy óz mindetin oryndaýdan bas tartsa, jazbasha shaǵym jiberińiz.
Eger shaǵym qanaǵattandyrylmasa, Azamattyq avıasııa komıtetine nemese sotqa júginýge bolady.
- Osy bapta kózdelgen talaptardy buzǵan tasymaldaýshylar Qazaqstan zańnamasyna sáıkes jaýapqa tartylady, - dedi vedomstvo ókilderi.