Býrabaı aýdanyndaǵy Býrabaı aýylynda jeke turǵyn úıde órt shyqty. Oqıǵa ornyna jedel jetken qutqarýshylar bólmelerdiń birinen 63 jastaǵy er adamnyń jansyz denesin tapty, dep habarlaıdy Egemen.kz.
Aqmola oblysy Tótenshe jaǵdaılar departamenti málimetinshe, jalyn 25 sharshy metr aýmaqty sharpyǵan. О́rt shyqqany týraly habar tótenshe jaǵdaılar qyzmetine kelip túskennen keıin, qutqarýshylar 25 mınýt ishinde ony oqshaýlap, kóp uzamaı tolyq sóndirgen.
«О́kinishke qaraı, úıdegi adamdy aman alyp qalý múmkin bolmady», – dep málimdedi TJD ókilderi.
Qazir órtke qarsy zerthana mamandary oqıǵanyń sebepterin anyqtap jatyr. Qaıǵyly oqıǵanyń mán-jaıy naqtylanady.