Halyqaralyq fýtbol federasııasy (FIFA) jáne vıse-prezıdenti Shandor Chanı Qazaqstan fýtbol federasııasynyń (QFF) keńsesine resmı saparmen keldi, dep jazady Egemen.kz.
Is-sapar barysynda Federasııa prezıdenti Marat Omarov Shandor Chanıge QFF keńsesinde tanystyrý ekskýrsııasyn ótkizip, federasııanyń qyzmeti týraly baıandady. Sondaı-aq Fýtbol úıindegi manejdi kórsetti.
Kezdesý barysynda taraptar Qazaqstanda fýtboldy damytý, FIFA jáne ÝEFA uıymdarymen yntymaqtastyqty nyǵaıtýdyń mańyzyn atap ótti. Buǵan qosa, fýtbol bastamalaryn júzege asyrýda ózara qoldaý kórsetý qajettigi jaıly ózekti máselelerdi talqylandy.
Shandor Chanı jańadan QFF prezıdenti bolyp saılanǵan Marat Talǵatulyn qyzmetimen quttyqtap, ekijaqty yntymaqtastyqtyń jemisti bolatynyna senim bildirdi. Sondaı-aq FIFA men ÝEFA Qazaqstanda fýtboldyń damýyn jan-jaqty qoldaýǵa daıyn ekenin erekshe atap ótti.