Bul týraly sala mınıstrliginiń baspasóz qyzmetinen sholý maǵlumat jarııalandy, dep habarlaıdy Egemen.kz.
Mánerlep syrǵanaý: Seýlde (Ońtústik Koreıa) tórt qurlyq chempıonatynda Mıhaıl Shaıdorov (qossaıys 285.10 upaı) top jardy.
Sporttyq gımnastıka: Germanııanyń Kotbýs qalasynda Álem kýboginiń birinshi kezeńinde Mılad Karımı (erkin jattyǵý 14.133 upaı) altyn medal jeńip aldy.
Konkımen júgirý: Polshanyń Tomashýv-Mazovesk qalasyndaǵy Álem kýbogi kezeńinde Evgenıı Koshkın 500 metr qashyqtyqta úzdik shyqty. Sondaı-aq Qazaqstan áıelder quramasy komandalyq saıysta úshinshi oryn aldy.
Nysana kózdeý: Taılandtaǵy Azııa kýboginde ulttyq qurama sportshylary 12 altyn, 9 kúmis, 4 qola medalmen jalpykomandalyq esepte 1-oryndy ıe boldy.
Sadaq atý: Taılandtaǵy Azııa kýbogi kezeńinde Ulttyq qurama sportshylary úsh kúmis medal oljalady.
Dzıýdo: Varshavada (Polsha) Eýropa kýboginde sportshylarymyz 1 altyn, 1 kúmis medal jeńip aldy. Erler arasyndaǵy 60 kg deıingi salmaqtyń fınalynda eki otandasymyz Sherzod Davlatov pen Baqytjan Amannyń joly túıisip, Sherzodtyń mereıi ústem boldy.
Karate: Fýdjaırada (BAÁ) jastar arasyndaǵy A serııasy jarysynda Qazaqstan komandasy 8 júlde jeńip aldy.
Batýttaǵy gımnastıka: Bakýde (Ázerbaıjan) Qazaqstan quramasy Álem kýbogi kezeńinde kúmis medal enshiledi.