Shyǵys Qazaqstan oblysynyń polısııa qyzmetkerleri jeke tutyný maqsatynda iri kólemde esirtki zatyn daıyndaǵan er adamdy ustady, dep habarlaıdy Egemen.kz.
Jedel is-sharalar barysynda odan 4 keliden astam keptirilgen marıhýana tárkilengen. Tyıym salynǵan zatty ol óz úıiniń aýmaǵynda – shatyrynda jáne jazǵy asúıinde saqtaǵan.
Sotqa deıingi tergeý barysynda kúdikti óz kinásin moıyndady. Qazirgi ýaqytta ol ustalyp, ýaqytsha ustaý ızolıatoryna qamaldy.
Polısııa azamattardy salaýatty ómir saltyn ustanýǵa jáne esirtkiden bas tartýǵa shaqyrady. Árqaısysymyz azamattyq belsendilik tanytyp, osyndaı faktiler týraly quqyq qorǵaý organdaryna habarlaý arqyly qoǵamdy qaýipsiz ete alamyz.