Shymbulaqta saıysqa túsedi

Qazirdiń ózinde AQSh, Aýstra­lııa, Japonııa, Ispa­nııa, Irlandııa, Ger­manııa, Kanada, Qytaı, Ońtús­tik Koreıa, Fınlıandııa, Fransııa, Chehııa, Uly­brıtanııa, Shveı­sarııa, Shvesııa, Ýkraına qu­ra­­­malary Almatyǵa at basyn buratyndaryn rastady. Solar­dyń qatarynda ár jyldary Olımpııa oıyn­dary men álem chempıonattary, basqa da asa iri halyqaralyq deńgeıdegi dodalarda daralanǵan frıs­­­taılshylar da bar.

Alataý baýraıynda jalaýy jelbireıtin jarysta barynsha tabysty óner kórsetýdi maqsat tutqan elimizdiń quramasy da kil myqtylarǵa senim artyp otyr. Jerlesterimizdiń arasynan Iýlııa Galysheva men Pavel Kolmakovty bóle-jara atap ótýge bolady. Iýlııa – Olımpııa oıyndarynyń qola júl­degeri (2018 jyly), álem chempıony (2019), álem chem­pıonatynyń úsh dúr­­­kin júldegeri (2015, 2017, 2021), Azııa oıyndary (2011), Dúnıejúzilik Ýnıversıadanyń úsh dúr­kin jeńimpazy (2015, 2017). Pavel – álem chem­pıonatynyń qola júl­degeri (2021), Dúnıe­­júzilik Ýnıversıadanyń je­ńimpazy (2015), eki dúrkin júldegeri (2017, 2019). Jastar býyny arasynan Anastasııa Gorodkonyń ekpini kúshti. 19 jastaǵy kendi Altaıdyń arýy álem chempıonatynda (2021) úshinshi orynǵa taban tirese, Dúnıejúzilik Ýnıversıadada (2025) eki ret altynnan alqa taqty.

Joǵaryda esimderi atal­­ǵan dúl­dúlderden bó­lek, atalǵan jarysta Dinmu­ham­med Raıymqulov (jas­tar arasynda álem chempıony), Roman Ivanov (Azııa oıyn­darynyń jeńim­pazy), Sherzod Hashırbaev (Azııa oıyndarynyń je­ńim­­pazy), Asan Asylhan (Azııa oıyndarynyń kúmis júldegeri), Roman Pogo­sıan (halyqaralyq týr­nırlerdiń júlde­geri), Aıana Joldas (Azııa oıyn­darynyń birneshe dúrkin júldegeri), Ardana Maqa­nova (Azııa oıyn­darynyń eki dúrkin júl­degeri) syndy sheberler saıysqa túsedi.

Jarys baǵdarlama­sy­­na keler bolsaq, 28 aqpan­da Shym­­bu­laqta mogýldan, 1 naýryzda paralleldi mogýldan, 2 naýryz­da shańǵy akrobatıkasynan básekeler ótedi.