ALMATY. 19 maýsym. AQSh polısııasy Charlston (Ońtústik Karolına shtaty) qalasyndaǵy shirkeýde 9 adamdy atyp óltirgen 21 jasar kúdiktini tutqyndady. Dılann Rýf atys bolǵan jerden tórt saǵattyq jerde Shelbı (Soltústik Karolına) qalasyna taıaý jerde ustaldy. Bul týraly VVS habarlady.
Polısııaǵa jergilikti turǵyndardyń biri telefon soǵyp, kúdikti týraly málimet bergen. Charlston polısııasynyń shefi Gregorı Mallen tutqyndaý kezinde qashqynnyń eshqandaı qarsylyq kórsetpegenin aıtty.
Jantúrshigerlik oqıǵa bolardyń aldynda Rýftyń shirkeýge kirip, minajet etýshiler arasynda bir saǵattaı duǵa tyńdap otyrǵan. Ol sodan keıin baryp, tosynnan ońdy-soldy oq ata bastapty. Qaıtys bolǵandardyń arasynda 6 áıel, úsh er azamat – ishinde shirkeýdiń pastory bar. Úsh adam jeńil jaraqatpen aýrýhana tústi.
Kúdiktiniń naǵashysy Karson Koýlz jıeniDılann Rýfqa pıstolet týǵan kúnine syıǵa tartylǵan degen málimet berdi. Sondaı-aq Rýftyń buǵan deıin esirtkige qatysty eki ret qamalǵany belgili boldy.
Tosyn oqıǵadan soń álem jurtshylyǵynyń nazaryna ilikken Charlstondaǵy qara násildiler minájat etetin bul shirkeý taıaýda ǵana óziniń 150 jyldyq merekesin atap ótken edi.
Talǵat Súıinbaı.
Derek, sýret: VVS.