Túrkistan oblysynda terrorızmdi nasıhattaǵan jáne ekstremıstik uıymnyń qyzmetine qatysý arqyly basqarý tártibine qarsy qylmystyq quqyq buzýshylyq jasaǵan azamattar sottaldy, dep habarlaıdy Egemen.kz.
Bas prokýratýranyń habarlaýynsha, Jambyl oblysynyń turǵyny ótken jyldyń qazan aıynda Telegram áleýmettik jelisinde «Islam úshin» atty paraqsha ashyp, onda zańsyz terrorıstik qurylym retinde tanylǵan «Musylman baýyrlar» jáne «О́zbekstan-ıslamdyq qozǵalysy» halyqaralyq terrorıstik uıymdarynyń beıne jazbalaryn taratqan. Dál osy sııaqty, Túrkistan oblysynyń turǵyny jeltoqsan aıynda «WhatsApp» jáne «Facebook» áleýmettik jelileri arqyly birneshe ret «Hızb-ýt-Tahrır» dinı ekstremıstik uıymynyń beınejazbalaryn taratqan.
«Memlekettik aıyptaýshylar sot barysynda sottalýshylardyń kinásin tolyq dáleldep, bas bostandyǵynan aıyrý jazasyn taǵaıyndaýdy suraǵan. Terrorızmdi nasıhattaǵan kináli tulǵalarǵa 7 jyl merzimge bas bostandyǵynan aıyrý jazasy taǵaıyndalyp, jazany qylmystyq-atqarý júıesiniń qaýipsizdigi barynsha joǵary mekemesinde óteý taǵaıyndaldy», delingen habarlamada.
Úkimder zańdy kúshine engen.