ORAL. 19 maýsym. Batys Qazaqstan oblysynyń ortalyǵy – Oral qalasynda satýshyny oıynshyq tapanshamen qorqytyp, dúken tonaǵan 40 jastaǵy er adam qolǵa tústi. Bul týraly Batys Qazaqstan oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Oqıǵa 12 maýsymda bolǵan. Tártip saqshylaryna saǵat 22:00 shamasynda Ihsanov kóshesindegi «Aınagúl» dúkenine qaraqshylyq shabýyl jasalǵandyǵy týraly habar kelip túsedi. Dúkendegi áıeldiń aıtýynsha, er adam tapanshaǵa uqsas zatpen qorqytyp, kassadan 30 myń teńgeni alyp ketken.
Jábirlenýshi kúdiktiniń erekshe belgileri men ústindegi kıimin naqty aıtyp berdi. Sonyń nátıjesinde oqıǵadan keıin 5 kún ótkende polıseıler kúdiktini qolǵa túsirdi. Tergeý kezinde onyń tonaýǵa oıynshyq tapanshamen barǵany anyqtaldy.
Temir Qusaıyn.
Derek: egemen.kz.
Sýret: tsn.ua.