QARAǴANDY. 19 maýsym. Oblysy boıynsha Memlekettik kirister departamentiniń ekonomıkalyq tergeýler qyzmeti Ulttyq banktermen birlesip «Abaı bol, jalǵan aqsha» taqyrybynda dóńgelek ústel otyrysyn ótkizdi. Oǵan ekinshi deńgeıli bankterdiń ókilderi qatysty. Bul týraly oblystyq memelkettik kirister departamentiniń baspasóz qyzmetine silteme jasaǵan egemen.kz tilshisi habarlady.
Jıynda qatysýshylar aımaqta jasyryn túrde aqsha belgilerin shyǵarý men aınalymǵa engizý sany artqanyn aıtty. Máselen, Qylmystyq kodekstiń 231-baby (jasandy aqshalar men qundy qaǵazdardy jasap shyǵarý, saqtaý, qozǵalysqa túsirý jáne ótkizý) boıynsha jyl basynan beri 31 qylmystyq is tirkelgen. Sonymen qatar, mamandar jyl basynan beri aınalymǵa zańsyz 36 aqsha birligi túskenin anyqtaǵan. Ásirese, 2000 teńgelik qoldan jasalǵan jalǵan aqsha jıi kezdesetinin málimdedi.
Aıta keteıik, sharada bank ókilderi men quqyq qorǵaý salasynyń qyzmetkerleri jalǵan aqshany joıý, kúdiktilerdi ustaý baǵytynda birlesip jumys qajettigin tarqatty. Sondaı-aq, aqsha belgileriniń shynaıylyǵyn muqııat tekserý úshin ekinshi deńgeıli bankterge qazirgi zamanǵy qondyrǵylardy qoldaný jóninde usynystar berildi.
Aıqyn Nesipbaı.
Derek: oblystyq memelkettik kirister departamentiniń baspasóz qyzmeti.
Sýret: businessnews.kz.