PETROPAVL. 19 maýsym. Soltústik Qazaqstan oblysy ákiminiń orynbasary Erlan Áýkenov pen «Eýrazııalyq top» JShS basqarmasynyń orynbasary Aldııar Qaztaevtyń kezdesýinde seriktestiktiń otandyq taýar óndirýshilerge tapsyrystar ornalastyrý esebinen jergilikti úlesti qoldaý jáne arttyrý máseleleleri keńinen sóz boldy. Bul týraly oblystyq ákimdiktiń baspasóz qyzmeti habarlady.
Keńeske aımaqtyń iri kásiporyn, agroqurylym ókilderi qatysty. Olar kásiporyndardy júkteý boıynsha sharalar josparyn iske asyrý aıasynda iri kompanııalarmen uzaq merzimdi kelisimder ornatý sharalary atqarylyp jatqanyn jetkizdi.
Erlan Áýkenov jıynǵa qatysýshylardy óńirdiń ónerkásip áleýetimen tanystyrdy. Búgingi kúni 49 mashına jasaý kásipornynyń 28-i munaı-gaz, temirjol jáne taý-ken sektorlary ónimderin shyǵarýmen shuǵyldanady. Innovasııalardy engizý boıynsha júrgizilip jatqan jumystar ónimder shyǵarýda ımportty almastyrýdy joǵary deńgeıde qamtamasyz etýge múmkindik beredi. О́ndiriske eń sońǵy tehnologııalar engizý jónindegi usynystar qoldaýǵa turarlyq. Máselen, «Petropavl aýyr mashına jasaý zaýyty» AQ energetıkalyq qazandyq jabdyqtaryn, qosalqy bólshekterdi, «Núker» JShS kúshtik tıek-plombalaý qurylǵylaryn, «Izolıt» JShS - lak matalaryn, LSEP - 934-TPL áınek-slıýda lentasyn, «Petropavl qubyr zaýyty» tatqa qarsy ızolıasııalyq jamylǵysy bar qubyrlar jáne syrtqy dıametri 820 mm-ge deıingi jylýızolıasııalyq jamylǵyny, «Tez salynatyn ǵımarattar men qurylystar» JShS «sendvıch» - panelder, S-tárizdi bolat profıl, proflıst jetkizýge daıyn ekendigi aıtyldy.
О́mir Esqalı.
Derek: Soltústik Qazaqstan oblystyq ákimdiginiń baspasóz qyzmeti.
Sýret: egemen.kz