2024 jyly halyqty jumyspen qamtýǵa járdemdesý sharalarynyń biri – «Jastar praktıkasyn» júzege asyrý aıasynda 33,3 myń adam jumysqa ornalastyrylǵan, dep habarlaıdy Egemen.kz.
Eńbek jáne halyqty áleýmettik qorǵaý mınıstrliginiń habarlaýynsha, alǵan kásibi (mamandyǵy) boıynsha bastapqy jumys tájirıbesin alý maqsatynda bilim berý uıymdarynyń 35 jastan aspaǵan jumyssyz túlekteri jastar praktıkasyna qatysa alady. Baǵdarlamaǵa qatysý úshin azamattar jergilikti mansap ortalyqtaryna ótinish berýi qajet.
«Jumys berýshi jastar praktıkasyna qatysýshylarǵa kásibı bilim men jumys tájirıbesin berý úshin tálimgerdi bekitedi. Jastar praktıkasyn qarjylandyrýdy Eńbek mobıldiligi ortalyǵy «Azamattarǵa arnalǵan úkimet» memlekettik korporasııasy arqyly aı saıynǵy jalaqy tóleý arqyly júzege asyrady. Tólem ekinshi deńgeıdegi bankterde ashylǵan qatysýshylardyń aǵymdaǵy (kartochkalyq) shottaryna aqsha qarajatyn aýdarý jolymen jumys berýshi usynǵan málimetter negizinde júrgiziledi», delingen habarlamada.
Aıta keteıik, Respýblıka boıynsha ortasha jalaqy mólsheri 109,5 myń teńgeni, Aqtóbe oblysynda eń joǵary kórsetkish – 120,9 myń teńgeni quraǵan.
Jumysqa ornalasqandar sany boıynsha óńirler arasynda kósh bastap turǵandar:
Túrkistan oblysy – 8,6 myń adam; Qyzylorda oblysy – 3,2 myń adam; Jambyl oblysy – 2,6 myń adam; Shymkent qalasy – 2,4 myń adamJastar praktıkasyna qatysatyn áıelderdiń úlesi 64,8% nemese 21,6 myń adamdy, aýyl turǵyndarynyń úlesi – 19,3 myń adamdy nemese 57,9%-dy quraǵan.
Jumysqa ornalastyrylǵandar arasynda eń kóp suranysqa ıe mamandyqtar: meıirger – 2 216 adam, bastaýysh synyp muǵalimi – 1 498 adam, zańger – 1 481 adam, dene shynyqtyrý muǵalimi – 1 323 adam, feldsher – 1 277 adam.